Hiligaynon News: 'Help desks' igapahamtang sa mga presento
by Jemin B. Guillermo
Roxas City (7 May) -- Ang Commission on Elections ang mgapahamtang sang voter's help desk sa 674 ka mga clustered precincts sa bug-os nga probinsya sang Capiz.
Suno sa kay Provincial Election Supervisor Atty. Wil Arceņo nga ang tagsa ka clustered precinct nga napahamtang sa mga buluthuan ang pagabutangan sang mga voter's assistance center nga pagapamunuan sang principal sang amo nga buluthuan.
Suno sa kay Arceņo nga pinaagi sa help desk ang mga botante ang sarang mabuligan sa ila problema sa pagboto, lakip na sa pagpangita sang ila ngalan nga napahamtangan sang ila presinto.
Ang amo man nga assistance desk ang magabulig sa pagpasiguro nga indi mag ginutok sa pagpila sa pagboto kag magabulig sa pag kontak sa mga opisyal sang Comelec kag iban pa nga opisyal nga may kaangtanan sa piniliay.
inpahayag man ni Arceņo nga sa help desk man ang may listahan sang mga kapulisan nga napahamtang sa amo nga presento. (PIA) [top]
