Hiligaynon News: 150 ka priso sa Capiz ginpahanugutan sa pagboto
by Jemin B. Guillermo
Roxas City (7 May) -- Kapin sa 150 ka mga priso sa Capiz ang ginpahanugutan sang korte sa pag boto sa Mayo 10 nga eleksyon.
Sa kabilogan nga mg priso, 78 sini ang yara sa Capiz Rehabilitation Center kag ang 72 ang yara sa pag-inakop sang Bureau of Jail Management and Penology sa Roxas City.
Ang mando ni Regional Trial Court Branch 17 kag Executive Judge Edward Contreras ang sabat sa hingyo sang mga abogado sang amo nga mga priso sa pagpahanugot sa mga ini nga makagwa sa Mayo 10 para sa pagboto sa ila presinto.
Suno sa kay Attorney Meneleo Aguirre nga amo ang Clerk of Court sang amo ng korte nga ang mga priso sang BJMP ang magaboto sa ila presinto sa San Jose, Libas, Barra, Talon, Barangay 9, Culasi, Adlawan kag Inzo Arnaldo, tanan sa Roxas City.
Samtang ang 78 ka mga priso sang Capiz Rehabilitation ang magaboto sa Barangay Lawaan, Roxas City. (PIA) [top]
