Cebuano News: Amerika mipahalipay sa Pilipinas atol sa pagpahigayon sa Mayo 10 nga pinili-ay
Manila (May 13) -- Ang embahada sa amarika nga nakabase sa Manila kaniadtong Martes sa hapon mipadayag nga ang Pilipinas angayan nga magpasigarbo sa pagpahiagayon sa Mayo nga presidential anga pinili-ay og nagpadayag nga sila naglantaw sa usa ka hapsay nga pagbalhin diha sa Malakanyang human sa Hunyo 30.
Ang embahada mipahalipay sa mga Pilipinhon "tungod sa pagkab-ot og laing dakung kalampusan sa kasaysayan sa demokrasya sa nasud atol sa Mayo 10 nga pinili-ay," ang labing una sa maong proseso nga na-obserbahan sa bag-o nga nahi-abot nga US Ambassador Harry Thomas, Jr., kinsa mi-presentar sa iyang mga papel ngadto kang Presidente Gloria Macapagal-Arroyo kaniadtong Abril.
Si Macapagal-Arroyo nagmando kang Executive Secretary Leandro Mendoza sa pag-abli sa kadalanan alang sa hapsay nga pagbalhin samtang iyang gidayeg ang Commission on Elections (COMELEC) tungod sa iyang abilidad diha sa proseso sa pinili-ay, ilabina sa pagpahigayon sa automated nga pinili-ay.
Ang United States mikuyog sa autralia, Japan, Indonesia, United Kingdom, ang European Union - usa ka dosena ka mga nasud nga nagpadala og election observers.
Ang automated nga pinili-ay nga gipahigayon sa tibook nasud gi-implementar sa labing una karong tuiga, diin pipila sa mga resulta nahibalo-an na sa sayo pa sa Martes sa gabii. (PIA Southern Leyte/esg) [top]
