Waray-Waray News: Comelec igpoproklamar yana nga adlaw an 8 nga senador
Manila (15 May) -- Igpo-proklamar yana nga adlaw, Sabado han Commission on Elections (Comelec) an walo nga nagdaog nga senador.
Sering ni Comelec Chairman Jose Melo nagdesisyon hira nga iprokalamar nala an walo kay dire naman hira maapektaran han isipon pa nga mga balota.
Bubuhaton an proklamasyon unina hit kulop ha Philippine International Convention Center ha Pasay City, diin aadto an Comelec en banc nalingkod komo National Board of Canvassers (NBCO) para han Mayo nga piniliay.
Kakulop, Biyernes, banda alas 11 han aga, nangunguna hira Ramon “Bong” Revilla (Lakas-Kampi CMD) nga mayda 15,064,835; Jingggoy Estrada (PMP) 14,598,398; Miriam Defensor Santiago (PRP), 13,335,800; Franklin Drilon (LP), 12,375,507.
Nasunod ha ira hira Juan Ponce Enrile (PMP) 12,187,170; Pilar Juliana Cayetano (NP) 10,631,671; Ferdinand Marcos Jr. (NP), 10,050,605 ug Ralph Recto (LP), 9,814,356.
Sering ni Commissioner Gregorio Larrazabal asya pala yana an gidadagmitin nga proklamasyon nga ira mabubuhat wara pa pagsemana katapos an eleksyon. (PIA-Eastern Samar) [top]
