Presidential Communications Operations Office



  PIA Bldg, Visayas Ave, Diliman, Quezon City, Philippines
  Wednesday, 19 June 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << June 2019 >> 
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/05/17

Waray-Waray News: Pagpasuso nga programa ni PGMA in tipakadto hin bag-o nga direksyon

Manila (17 May) -- An kan Pangulo Gloria Macapagal-Arroyo mga palisiya ngan mga programa in nagpaheruhitaas han kadamo han mga nagpapasuso hin haros upat kapilo ngan nagtipakadto hin bag-o nga direksyon para han pagpasuso kumo usa nga importante nga parte han kanan panlawas han tawo nga pagpauswag han nasud.

Hi Dra. Elvira Henares-Esguerra, an panguna nga pangulo han Children for Breastfeeding Inc. (CfB), in nagsering nga an kanan Pangulo kunsiderasyon ngan determinasyon amo an nagsalbar han pagpapasuso nga haros mawara na, kun diin nakapara han kawaray paglaum han 20 anyos na nga iginduduso han mga tagasuporta hini.

An Chief Executive in nakakarawat kanina han aga hin kopya han Memorandum of Understanding (MOU) kun diin igin-iindurso an importansya han pagpapasuso ha butnga han Philippine Council for Health Research and Development (PCHRD) han Department of Science and Technology (DOST) ngan han CfB. An MOU in iginpresentar ha iya ni Esguerra ngan ni PCHRD Exec. Director Dr. Jaime Montoya dida hin usa nga simple nga seremonya kanina han aga ha Rizal Hall han Malacanang.

Sering ni Esguerra nga an MOU in nag-iindurso gihapon hin mga pag-estudyo parti pagpapasuso kun diin upod dinhi an pag-inom hin virgin coconut oil para han mga nanay nga nagpapasuso pagpahirohitaas han anti-microbial properties han kanan nanay gatas.

Dugang pa ni Esguerra nga gintagan hin duon han Pangulo an importansya han kanan minasus-an ngan kanan kabataan mga pamaagi hin pagpakaon ngan it kaimportante hit papel ha pagpauswag han nasud nga amo an pamaagi nga mahikab-utan ta an kanan nasud Millennium Development Goal (MDG) kun diin makakapauro-ubos han kamatayon han mga iroy ngan kabataan nga maubos hin lima katuig nga pangidarun.

Dida han 2005, nagsering hi Esguerra nga nagpagawas an Pangulo han Presidential Proclamation No. 1113 nga nagprupromulgar han tinuig nga selebrasyon han World Breastfeeding Week kada Agusto 1-7.

Sering ni Esguerra nga iginlunsad gihapon han Pangulo an National Plan of Action on Infant and Young Child Feeding 2005-2010; ngan nagpagawas hin darodako nga budget para han hunger mitigation program kun diin naghahatag hin pundo para han paghag-id ngan mga materyales nga nagtututdo parti han pagpapasuso han nanay.

Sering pa ni Esguerra nga an kanan Pangulo mga programa ngan mga palisiya in nakatapo han makusog nga pagluslos han pagpapasuso han mga nanay.

"Salamat han imo suporta Madame President, an kadamo han kabataan nga waray hi-agum hin pagpapasuso tikang han ira mga nanay in humabobo tikang ha 13.2 pursyento ha tuig 2003 ngadto ha utso pursyento han 2008 ngan an kadamo han mga nagpapasuso in humitaas hin haros upat kapilo, tikang ha 24 ka-adlaw ngadto ha 90 ka-adlaw," sering ni Esguerra.

Iginpresentar gihapon ngadto han Pangulo kanina han aga an kanan Department of Health (DOH) Guidelines for Physicians on the Promotion, Protection and Support of Breastfeeding.

Naobserbahan ni Esguerra nga an kanan DOH guidelines in waray mga exemptions ngadto han kanan nasud palisiya pagregulate han mga pasamwak parti gatas para kabataan nga naidad ngadto ha tulo katuig ngan nagdidiri hin nutritional claims nga makakapaubos han pagpapasuso.

Nahibaruan dida ha mga pag-estudyo an ka-importante han pagpapasuso han nanay mahitungod nga ini in nakakapahimubo han pagkakaada hin pag-urouro, mga impeksyon, mga allergy ngan iba pa nga mga sakit ha kabataan. (PIA-8/maa) [top]

|«  prev  next  »|
DAILY NEWS LIST:
»PGMA attends June 6-7 World Economic Forum in Vietnam
»Eastern Samar's Evardone, Nicart, Gonzales proclaimed next provincial leaders
»Waray-Waray News: Tagan prayoridad han mga elehido an ensurhensiya
»Waray-Waray News: 5 barangay ha Samar magbubuhat hin espesyal nga eleksyon
»Waray-Waray News: Arroyo napili otro nga chairman han Lakas
»Waray-Waray News: China gin-aghat nga ig-undang an pantimos hin nukleyar
»Waray-Waray News: Teacher-BEIs angay dugngan an suhol - DepEd
»Waray-Waray News: Singbahan ha mga daogan: Tumana an iyo mga saad
»Cebuano News: Walay special elections alang sa paghulip sa puwesto ni Aquino
»Cebuano News: Palasyo nag-awhag sa sunod nga Presidente pagdawat kang Corona isip Chief Justice
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines