Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 20 June 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << June 2019 >> 
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/05/19

Waray-Waray News: 75 mil nga mga magturotdo han DepEd gagamiton para han census

Manila (19 May) -- Kataliwan magserbe komo Board of Elections Inspectors (BEIs) hadton nakalabay nga Mayo 10 nga pinili-ay, nagsering an Department of Education (DepEd) hadton Martes nga gagamiton en 75,000 nga mga magturotdo ha pagdumara hin census ha populasyon ha pakigsumpayan hiton National Statistical Coordination Board-National Statistics Office (NSCB-NSO).

Sigun kan DepEd Secretary Mona Valisno, han 75,000 nga mga magturotdo, 60,000 hini en magseserbe komo field enumerators (census takers, EN), 12,000 komo team supervisors (TS), ngan 3,000 komo census area supervisors (CAS).

Nanawagan hi Valisno ha molupyo para hin kooperasyon ha pagsumat ngadto han mga magturotdo hin eksakto nga impormasyon mahiunong hiton ira mga panimalay. Mahinungdanon daw ini para makaghurma hin mamaupay nga plano ha patag hiton panlawas, edukasyon, panarabaho-an, ngan iba pa nga importante nga mga serbisyo para hiton kapulsanan han molupyo.

Sering niya nga pinaagi hini nga census, mahihibaro-an kon an kalkulasyon nga 92 milyones nga populasyon basar han 2.04 nga growth rate han 2007 en pasado. Sigun han mga otoridad, an census nga ginbubuhat ha kada napulo ka tuig en makakabulig ha paghikay hin eksakto nga mga impormasyon nga mahinungdanon para han paghuhurma hin mga plano han gobyerno ngan hin pag-aalutaga hin pondo para hin maglainlain nga mga programa.

Ini nga serbisyo han mga magturotdo en mayda kabaraydan nga ira maangkon pinaagi han pondo nga igin-alutaga han gobyerno. Makakakarawat an ENs hin honorarium nga P11,550; TSs, P13,050; ngan CASs, P15,175. An mao nga kabaraydan en para han 20-diyas nga trabaho ha pagsensus. Labot la han kantidad, tatagan gihapon an mga magturotdo pan-gastos para han ira transportasyon ngan pagkaon.

Nag-agi na hin tim-os nga paghag-id an mga magturotdo para han census nga pagbubuhaton tikang hiton Mayo 17 ngadto hit Hunyo 12, 2010.

Panuyo han 2010 Census of Population and Housing (CPH) nga makahikay hin kumpleto nga ihap ngan hin impormasyon bahin han kalidad han populasyon, ngan an distribusyon hini ha Pilipinas.

Pag-aadman gihapon han census an mga balay o kon mga urokyan pinaagi han kalidad han ira mga straktura, abelable nga mga pasilidad, ngan iba pa nga mga kalidad han panimalay ngan han barangay. (PIA-Eastern Samar) [top]

|«  prev  next  »|
DAILY NEWS LIST:
»Search is on for 2010 most outstanding volunteers
»Top councilor elect wants unified Davao legislative-executive agenda
»PRC issues new regulations for broadcasting stations
»DSWD, Red Cross release rice aid to El Nino victims
»4Ps opens jingle-making contest
»Veggie council reaches out to provincial members
»Davao Norte MSMEs vie for presidential awards
»Healthy lifestyle prevents, controls hypertension
»STI Calbayog jobs fair brings sure jobs to 185 graduates
»Leyte gov bats for more birthing centers to ensure safe motherhood
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines