Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 20 June 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << June 2019 >> 
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/05/19

Hiligaynon News: DepEd nagahanda sa paglunsar sang Brigada Eskwela Plus

Iloilo City (19 May) -- Masako na sa karon ang Department of Education (DepEd) Division of Iloilo City sa pagpanghanda para sa paglunsar sang ila Brigada Eskwela Plus agud enganyuhon ang mga katuwang sini nga mangin kabahin sa pagmentinar sang mga pampubliko nga buluthuan indi lamang para sa nagahilapit nga pagbukas sang klase apang sa bilog nga tuig.

Ginpahayag ni City Division Assistant Superintendent Angelita Ragudo nga ginaplanuhan na nila sa karon ang mga hilikuton may kaangtanan sa paglunsar sang proyekto sa Mayo 24, ang nahauna nga adlaw sang isa ka semana nga aktibidad.

Suno kay Ragudo napilian ang Montes I Elementary School sa dalan Zamora nga mangin lugar sa paglunsar sang programa diri sa siudad sang Iloilo sini nga tuig. Ginasuportahan man sang rehiyunal nga talatapan sang DepEd diri sa Nakatundan Bisayas ang nasambit nga aktibidad.

Dugang pa ni Ragudo nga ginatipon sang Brigada Eskwela Plus ang mga manunudlo, ginikanan, estudyante, komunidad kag iban pa nga katuwang kasubong sang lokal nga panguluhan, ahensya sang gobyerno, non-government kag business organizations agud sa pagkaayo liwat kag magpatigayon sang iban pa nga ulubrahon angut sa pagmentinar sa mga publiko nga buluthuan.

Ginlunsar sang 2003 bilang nagapanguna nga proyekto sang Adopt-a-School-Program, suno kay Ragudo, pinaagi sa Brigada Eskwela ang mga pribado nga sektor nakahibalo sang ila responsibilidad tuhoy sa edukasyon sang mga lamharon sa publiko nga buluthuan.

Suno pa gid kay Ragudo nga ang mga opisyal sang eskwelahan kag manunudlo sang 63 ka mga publiko nga elementary kag sekondarya nga buluthuan sa siudad ang aktibo nga nagapasakop sa Brigada Eskwela sumugod nga ginlunsar ini. Sa pagkamatuod, ang Nabitasan Elementary School sa distrito sang Lapaz ang natalana nga magabaton sang pasidungog bilang "Best Brigada Eskwela Implementer" sa Hunyo 24 sa siudad sang Tacloban. Nakuha sang Nabitasan Elementary School ang nasambit nga pasidungog makatatlo na ka beses nga nagdala sa ila bilang Hall of Fame Awardee sini nga tuig.

Magluwas sa paglunsar, pahayag ni Ragudo nagapatigayon man sila sang iban pa nga pagkampanya agud makakuha pa gid sang dugang nga pagpahibalo, pagkabalaka kag suporta sa iban nga sektor agud mangin ila katuwang sa Brigada Eskwela Plus sini nga tuig. (PIA) [top]

|«  prev  next  »|
DAILY NEWS LIST:
»Search is on for 2010 most outstanding volunteers
»Top councilor elect wants unified Davao legislative-executive agenda
»PRC issues new regulations for broadcasting stations
»DSWD, Red Cross release rice aid to El Nino victims
»4Ps opens jingle-making contest
»Veggie council reaches out to provincial members
»Davao Norte MSMEs vie for presidential awards
»Healthy lifestyle prevents, controls hypertension
»STI Calbayog jobs fair brings sure jobs to 185 graduates
»Leyte gov bats for more birthing centers to ensure safe motherhood
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines