Hiligaynon News: CBCP-ECFL nakig-estorya kay President-elect Aquino nahanungod sa RH Bill
Manila (21 May) -- Ginpaathag sang isa ka opisyal sang Catholic Bishop's Conference of the Philippines-Episcopal Commission on Family and Life (CBCP-ECFL) nga nakig-estorya ang mga ini sa president-in-waiting Benigno Aquino para paga-estoryahan ang isyu nahanungod sa Reproductive Health Bill (RH).
Nagalaum ang mga ini sa mga ginpanghambal sang senador nga indi siya pabor sa RH Bill.
Nagalaum man ang CBCP nga maghimo sila sang pagpulong sa Kongreso kag Senado para kumbinsihon ang mga ini nga balabagan ang nasambit nga laye.
Siling ni Fr. Melvin Castro, CBCP-ECPL executive secretary, nga wala pa sila nakatalana sang oras para makigpulong kay Aquino tungod ginatagaan nila pagtamod ang pakig-estorya sa mga bag-o nga miyembro sang Kongreso nahanungod sa nasambit nga laye.
Ini para mahibaluan sang CBCP kon sin-o ang gusto kag nagasupak sa gusto sang simbahan Katoliko nga nagapamalabag sa Reproductive Health Bill.
Nagapati si Castro nga makuha nila ang suporta sang mga bag-o nga napili nga mga Congressman kag napamatud-an nga kadamuan sa mga Senador indi sugot sa RH Bill. (EBdela Cruz/aca/PIA12) [top]
