Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 10 December 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << December 2019 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/05/24

Waray-Waray News: Pagbaton san pagbalhin san klima kinahanglanon, sugad ni PGMA

ni Ailene N. Diaz

Manila (24 May) -- Gintagan duon ni Presidente Gloria Macapagal Arroyo nga san pag-usawag ngan pagtubo san ekonomiya kinahanglan kaabay an pagprotehir san palibot o environment.

Sa kanya mensahe sa Lions Club 61st Multiple District Convention sa Araneta Coliseum, an Presidente nagsugad nga an tema nga nasugad " Move to grow: responding to Global Climate Change," in napapanahon kay an pagbalhin sa klima o Climate Change in mao yana an gintututukan nga isyu diri la sa nasud kundi sa bug-os nga kalibutan.

An pagbaton san pagbalhin sa klima in diri kon karuyag la pero ginkikinahanglan tungod kay kita sayo nga arkepelago. Dugang san Presidente

An Pilipinas, sugad san Chief Executive in diri naghihimo sin climate change pero kita an tagkarawat sini tungod kay an carbon emission san nasud ada la sa 1.6 tonilada kon ikukumpara sa iba nga nasud nga naabot 6 ka tonilada kada tuig.

Dugang nga eksplikasyon san Presidente nga an Pilipinas in tagsalo sini nga pagbalhin sa klima tungod sa aton lokasyon nga ada sa western pacific kon diin natikang an mga bagyo.

Ngatanan nga bagyo nga nasulod sa Asia nasulod ngun-a sa Pilipinas nga dara an kusog. Mao nga an Pilipinas in sayo san mga nangunguna nga nasud nga buhayhag san kalamidad. Sa bug-os nga kalibutan, kita an ika siyam (9) nga nasud nga bulnerably sa natural nga kalamidad.

Duon nga ginpahamtang san Presidente an kakinahanglan san pagprotehir san palibot. Dugang niya,yaun kit obligasyon sa masunod nga henerasyon nga protehiran an palibot ngan pudngan an pagbalhin sa klima nga dara san pag-abuso san bug-os nga katawhan.

Mao nga sugad niya, sa kanya pag Presidente, kaupod san kanya prayoridad an pagprotehir san palibot myentras ginpapahitaas an kamutangan san mga tawo. Ini ma-iimdan dida san kanya 10-point pro-poor agenda ? BEAT THE ODDS.

Kinahanglan yaun maupay nga pagbalanse sa butnga san pag-uswag ngan konserbasyon o panimangno, an Arroyo administrasyon dugang niya, in nakaghimo sin dagko nga landmark dida san mga balaudnon pagprotehir san palibot sugad san Biofuels Act, Renewable Energy Act ngan sugad man san paghimo san Climate Change Commission.

Sugad san Presidente, an pagpugong ngan pag-iban an importante nga pamaagi san Arroyo administrasyon sa pag-ato san pagbalhin san klima o pagpa-ubos san resgo ngan epekto san climate change.

Mao nga gin-aaghat niya an mga negosyante nga magin environment-friendly pinaagi sin pagtindog sin environment-friendly nga edipisyo kon diin iban an pag-gamit aircon ngan building nga yaun garden sa atop.

Sa agrikultura, an tubig uran kinahanglan igtirok para san irigasyon o patubig durante san mamara nga panahon. (PIA-Northern Samar) [top]

|«  prev  next  »|
DAILY NEWS LIST:
»Waray-Waray News: Mahimyang nga pagbabalyo han poder linalauman
»Waray-Waray News: Maupay nga senyal an kan Aquino miting han US envoy
»Waray-Waray News: Comelec plano ig-automate an 2013 nga eleksyon
»Waray-Waray News: Cabral ginsasagda hi Noynoy nga umudong pagsigarilyo
»Waray-Waray News: Lengwahe ha text ginsusnan han DepEd
»Waray-Waray News: Aquino nagsaad nga ma-behave hiya durante hit turnover
»Waray-Waray News: House panel pormado na para han canvassing
»Cebuano News: Palasyo mapasalamot sa mga positive comments gikan sa CBCP
»Cebuano News: Walay Pilipino naapil sa Air India crash; RP nagpa-abot sa pag-bangotan ngadto sa India
»Cebuano News: Geriatric Health Center kabahin sa mga ibilini ni PGMA
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines