Manila (24 May) -- Si kanhi executive secretary Eduardo Ermita nihimakak niadtong Domingo sa pasangil ni Makati City Rep. Teodoro Locsin nga siya ang tinubdan sa "Koala Boy" video.

Matud pa ni Ermita nga gihatagan ra siya og kopya sa video nga iya ra usab gipakita ngadto sa Catholic bishops. Wala hinuon gibutyag ni Ermita kon kinsa ang nihatag niya sa maong video.

Usa ka tawo nga nagtaptap sa nawong sa usa ka video ang gipakita atol sa hearing sa congressional panel nga gipanguluhan ni Locsin nga maoy gitahasan sa pag-imbestiga sa mga pasangil sa pagpanikas sa giingong computer hacking operation niadtong Mayo 10 nga piniliay.