Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 18 June 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << June 2019 >> 
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/05/27

Waray-Waray News: Diri kinahanglanon igdiri an "jejemon" ? DepEd

Manila (27 May) -- Waray plano an Department of Education (DepEd) nga igdiri ha mga estudyante an "jejemon" o adton pagtext nga barahiwi an Iningles ngan pag-ispel.

Dida hin usa nga press briefing ha Malacaņang, ginpahayag ni Education Secretary Mona Valisno nga imbes hin pagpagawas hin usa nga palisiya pagdiri han "jejemon," ginpapatutokan nala niya ha mga magturutdo an kamahinungdanon nga mahipasantop ha mga kabataan an husto nga mga pamatasan, lakip na an kabatiran ha pakikigkomunikar kay amo daw ini an ginkikinahanglan ha ira ha sekondarya ngan bisan pa ha kolehiyo.

Karuyag ni Valisno nga mamentinar an aton kamakarit ha komunikasyon nga amo an hinungdan kon kay ano nga naen-ganyo an mga negosyante ha sektor hin Business Process Outsourcing (BPO) nga magnegosyo ha nasud. Labot pa, masayon daw pagtutdo-an an mga Pilipino.

Gintagan hin duon ni Valisno nga diri kinahanglan nga mahingadto pa hin pag-isyu hin memorandum o kon pag-imponer hin penalidad para la hin paggamit han kinabag-o nga uso nga "jejemon." Kondi, ginmando-an daw niya an mga magturotdo nga diri tugotan an sayop nga inengles, sayop nga pag-ispel, ngan sayop nga gramatika. Kay bisan daw ngani hiya, diri niya ginbabaton an iya mga apo kon gintetext hiya nga sayop an paggamit han gramatika o kon sayop an pag-ispel, sering niya.

Gin-aghat ni Valisno an mga kabataan nga magtext ha husto nga paagi, eksakto nga konstruksyon han pagsaysay, husto an Ingles, gramatika ngan ispeling kay pagkikinahanglanon daw ini nira samtang nagsasagka hira ha mga andana ha edukasyon.

An dayuday nga pagpraktis nakakapahingpit daw, sering ni Valisno. Salit kon diri tama an pagpraktis, sayop daw gihapon iton magigin resulta. Pareho daw la ini hiton pagpipiyano nga kon ginpahiara nimo an imo kalugaringon pagtulpok gamit an diri tama nga tudlo, makuri na ini nimo igtul-id, dugang pa ni Valisno.

Samtang, ginlalaoman ni Valisno nga maumento iton manngengeskwela yana nga tuig ngadto hin 23.43 milyones kon diin 20.17 milyones hini en aada ha panpubliko nga mga eskwelahan ngan 3.26 milyones en aada ha pribado nga mga eskwelahan. Waray daw bisan ma-usa hini nga mga mag-eenrol nga ira igsaslikway.

Nagsering pa hi Valisno nga mahugot nira nga gintututokan an mga panpubliko nga mga eskwelahan nga nanngongolekta hin mga kontribusyon ha mga estudyante o kon han ira mga kag-anak, ngan ini en diri daw nira tutugotan sugad man hiton pag-obligar pagsul-ot hin uniporme. (PIA-Eastern Samar) [top]

|«  prev  next  »|
DAILY NEWS LIST:
»Child group eyes regional protection cluster
»Mati City completes P2-M water system
»Autism Spectrum Disorder seminar set on June 5
»Cebuano News: PCSO naglusad og STL operation sa Southern Leyte
»NSO warns against census enumerators who fabricate answers
»Cebuano News: Ang Strong Republic ni PGMA iparada atol sa Independence Day
»Cebuano News: Bag-ong pantalan sa Bicol makalambu sa komersyo sa isla
»Waray-Waray News: Anay PCSO chief gintanyagan daw hin pagdarag-an
»Waray-Waray News: Canvassing han mga botos pagka presidente, VP nagpapasigi
»Waray-Waray News: Enrile ginkompronta an Smartmatic
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines