Presidential Communications Operations Office



  PIA Bldg, Visayas Ave, Diliman, Quezon City, Philippines
  Monday, 24 June 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << June 2019 >> 
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/05/28

Waray-Waray News: CSC nagpatapod ha mga magtratrabaho han gobyerno: Waray dako nga pagbarubaraha

Manila (28 May) -- Hi Civil Service Commission Chairman Dr. Francisco Duque II dida han Meyerkoles nga adlaw in naghatag hin patapod ngadto han rank-in-file nga mga empleyado han gobyerno nga waray matatabo nga dako nga pagbarubaraha paglingkod han napili nga hi Pangulo Benigno "Noynoy" Aquino dida hit Hulyo 1, 2010.

Nagsering gihap hi Duque nga an mga magtratrabaho ha mga government controlled corporations (GOCs) in diri maaapektuhan.

"Ngatanan han assistant secretaries ngan mga director nga may Career Executive Service Officer (CESO) nga rango ngan an mga civil service eligible upod an mga nagpakapasar han board nga mga nangengempleyo ha mga ahensya han gobyerno in diri maaapektuhan dida hiton panahon han transition," sering ni Duque ngadto han mga reporter ha siyudad han Quezon.

Sering niya nga an mga Presidential appointees la o co-terminus han nalingkod yana nga hi Pangulo Gloria Macapagal-Arroyo sugad han mga Cabinet Secretaries, Undersectaries, confidential rank-and-file nga mga empleyado kaupod han gintudlok nga mga director ngan mga commissioner in magtatapos han ira termino yana nga Hunyo 30, 2010.

Apektado gihapon an mga contractual nga mga empleyado ngan adton mga nagtratrabahio bali co-terminus consultants.

"Ha kahimtang han mga contractual, hera in maagi pa hin dugang nga evaluation. Kun hera in mga civil service eligible or nagpakapasar han board, dako an posibilidad nga hera in makuha bali regular nga mga empleyado," sering ni Duque.

Hi Duque in nakadto ha Bureau of Internal Revenue (BIR) nga opisina ha Quezon City para pumirma hin kasarabutan kan BIR Commissioner Joel Tan-Torres mahitungod hin pagtukod hin BIR-CSC Call Center nga mag-aabri han Hulyo 1, 2010 tubtob ngadto ha Hunyo 30, 2011.

Ha iya naman bahin, nagsering hi Tan-Torres nga an BIR-CSC Citizen's Helpline in usa nga 24/7 contact center nga pasilidad kun diin naghahatag hin lugar paghatag hin serbisyo ngadto han publiko pinaagi hin voice call, short messaging system (SMS), fax, email o internet.

"Ini in maghahatag hin pamaagi kun diin an publiko in makakahangyo hin impormasyon, bulig o magpapabati han ira mga araba pinaagi han teknolohiya han pagpadalagan han kanan pagbulig ngadto han mga residente," sering ni Tan-Torres. (Translated by: maa/PIA8) [top]

|«  prev  next  »|
DAILY NEWS LIST:
»Waray-Waray News: PCGG ginsagdonan ha pagbalidya han mga alahas ni Imelda Marcos
»Waray-Waray News: Canvassing igin-ugsod han Congressional body
»Waray-Waray News: PNP gusto ig-extend an gun ban
»Waray-Waray News: Ombudsman gin-abswelto hi PGMA, FG
»Waray-Waray News: DOLE nagtuturoy han gikukuri-e nga trabaho
»Waray-Waray News: Palasyo nag-aaghat nga ig-undang na an pagbista
»Waray-Waray News: Desisyon han Ombudsman dire midnight clearance
»Negros Oriental public schools ready for June 15 opening
»ONCAN shares country's unique heritage
»TUCP pushes for green jobs, decent work
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines