Waray-Waray News: P600-M iginbukalas para pangupay tikang han "Frank"
Manila (31 May) -- Matapos in haros duha ka tuig nga inagi ug nakadestroso ha Western Visayas an bagyo nga "Frank", iginbukalas han goberno nasyonal in P600-milyones -komo kaparte han P4-bilyon nga pondo nga budget para pangupayon an mga nagkahihibang nga imprastraktura.
Sering ni Presidential Adviser for Western Visayas Raul Banias, nga executive director daman han Task Force Bangon Panay, iginpagawas na han Department of Budget and Management (DBM) an special allotment release order (SARO) niyan han ika-21 han Mayo para han nasugad nga pondo.
Kadak-an daw han pondo in gagamiton ha pag-repair han mga nahibang ug pagliwan han mga nahibang nga mga mehores ha Iloilo.
Dugang pa ni Banias nga an P180 million in gagamiton para han pagliwan han E. Marcos Bridge ha barangay Barangay Amerang, bungto han Maasin; P90 million para han pagtangpos han Camanggahan Bridge ha bungto han Guimbal; P110 million para ha pagtangpos han Baltazar Aquino Bridge bungto han Leon; P65 million para repair han Dumangas coastal road han syodad han; ug P50 million para repair han Balabag-Sulangan Road ha bungto han Dumangas. (PIA-Eastern Samar) [top]
