Presidential Communications Operations Office



  PIA Bldg, Visayas Ave, Diliman, Quezon City, Philippines
  Wednesday, 19 June 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << June 2019 >> 
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/05/31

Waray-Waray News: Seguis gindepensahan hi PGMA parti mga desisyon ha Mindanao; gintudlok pagpasensya ha MILF

Manila (PNA) (31 May) -- An Pilipinas in usa nga gobyerno hin balaud ngan diri hin katawhan, ngan an mga desisyon han administrasyon ni Pangulo Gloria Macapagal-Arroyo parti han Mindanao peace process, lab-i na gud dida han ?judicial entity? nga ginkakaruyag han Bangsamoro, en basi ha kunstitusyon ngan iba pa nga mga balaud.

Ini in sering ni Rafael Seguis, an kanan gobyerno chief negotiator, ngan iginpagawas pinaagi han Department of Foreign Affairs (DFA).

An ebidensya han kanan yana nga administrasyon parti pagtalinguha hin kamurayawan in klaro nga suloran, kun diin hi Arroyo in waray pagkulang hin paniguro parti hini nga butang," sering ni Seguis.

Ngan mentras an Gobyerno han Republika han Pilipinas (GRP) in waray makagporma hin pormal nga pakighurohimangraw parti kamurayawan ngadto han Moro Islamic Liberation Front (MILF) antis magtapos an termino ni Arroyo ha Hunyo 30, ini in "nakagpahamtang han kamurayawan ngan nagpahamtang hin mga gius para mas pa nga mapruteheran an mga sibilyan ha mga delikado nga mga lugar ngan nagseguro nga magkaada hin mga programa pagpauswag han ekonomiya ngan mga opurtunidad o lugar para hin mga pakabuhi para ngatanan han mga katawhan dida han rehiyon."

Ha kamatuoran, an GRP panel in nagpahamtang hin "usa nga desinyo nga ginhuhunahunaan nga makakaseguro han padayon nga hurohimangraw ha ilarum han administrasyon han bag-o la nga napili nga Pangulo," nga ginhuhunahunaan nga hi Sen. Benigno Simeon Aquino III, kun diin an paglingkod ha pagkapangulo in kulang na la an pormalidad han pagproklamar han kongreso.

Hi Seguis, nga amo gihap an Foreign Affairs Undersecretary, in nagreact ngadto han mga "diri kaangayan nga mga pasamwak" nga ginrekognisar ngadto han iya katugbang nga MILF, Mohagher Iqbal, nga nahisumat nga "nalainan" mahitungod han "kawaray magmalinampuson" nga GRP-MILF sarusarabot parti kamurayawan matapos an siyam katuig nga administrasyon ni Arroyo.

An grupo ni Iqbal in nakita an kawaray magmalinampuson nga draft major agreement ha 2008 nga makakahimo unta hin kuntrolado hin MILF nga autonomous nga lugar ha Mindanao kuntra han ha pagkayana nga Autonomous Region para Muslim Mindanao (ARMM), nga maiha na nga ginpapamunuan han iya karibal nga Moro National Liberation Front (MNLF).

Naobserbahan han DFA nga an kan Iqbal pagkunsumisyon in nakikita gihapon ngadto han mga partido nga may kalabutan ha peace process.

"Pero, ha luyo hini an pabasolbasol mentras pasige an hurohimangraw parti kamurayawan in diri nakakabulig. An pakig-urosa in diri masayon, ngan an pangita hin pakigsarosarabot hin maiha na nga diri ginkakaarasyahan, sugad han ha Mindanao, in nanginginahanglan hin padayon nga atensyon, damo nga kumpromiso ha magkaluyo nga partido ngan dako hin duro nga pasensya," sering ni Seguis.

Sering niya nga an "Memorandum of Agreement on Ancestral Domain in nakanselar mahitungod hin rason. Ini in judicially challenged ngan ha katapostapusan gindeklarar nga unconstitutional han Philippine Supreme Court."

"Dida hin matibaksi ngan makusog nga demokrasya sugad han aton, diri resonabli nga ikadto an pagbasol kan Pangulo Arroyo para hin aksyon nga ginbuhat hi usa nga independente ngan co-equal nga sanga han gobyerno. An aton in diri usa nga totalitarian nga pangobyernuhan. Kita in ginpapadalagan pinaagi hin mga balaud ngan diri katawhan. Kinahanglan naton in usa nga politikal nga pagkakasarabutan."

Dida han Byernes, ginsidngan ni Pangulo an usa nga grupo hin peace negotiators nga natikang ha langyaw nga nagdeklarar hiya hin polisiya nga tim-us nga kamurayawan ha Mindanao dida mismo han iya paglingkod ngan nakigbisog ha ikina-adlaw niya ha opisina nga magka-ada hin kamurayawan didto. Makikig-usa hiya han Lehislatura nga sanga han gobyerno dida hit Hulyo 1 bali usa nga kongresista tikang ha probinsya han Pampanga.

Sering ni Arroyo nga mananalingkamot hiya para magkaada hin kamurayawan tubtub ha katapusan han iya termino bali Pangulo ngan maski kahuman hini, ngan dugang pa niya nga bali kongresista, ipapasa niya an ginkikinahanglan nga mga balaudnon para magkaada hin patas ngan dayon na nga kamurayawan ha Mindanao.

Damo na nga mga ginkasarabutan ngadto han MILF na ginpirmahan dida han administrasyon ni Arroyo, ngan amo ini an Tripoli Agreement han 2001, an Implementing Guidelines han Security and Relief, Rehabilitation and Humanitarian Aspects han Tripoli Agreement, ngan an Term of Reference han International Monitoring Team (IMT).

Nahimo gihapon an Framework Agreement on the International Contact Group, an Agreement on the Protection of Civilian Component han IMT ngan an Implementing Guidelines on the Clearing of Land Mines and Unexploded Ordinance in Conflict-Affected Areas ha Mindanao.

Usa pa nga GRP-MILF nga hurohimangraw, in posibli nga katapusan na nga bubuhaton ha ilarum kan Arroyo, in ginhuhuna-hunaan nga matatabo ha sunod nga semana ha Kuala Lumpur para han gindadahum nga interim peace agreement. (Translated by maa/PIA-8) [top]

|«  prev  next  »|
DAILY NEWS LIST:
»Cebuano News: 23 milyones nga tinun-an sa elementarya ug sekondarya motungha na sa Hunyo 15
»Cebuano News: Hepe ng OPS-MARO namatay sa heart attack sa World Expo site sa Shanghai
»DENR Cagayan Valley adopts measures to address climate change
»DENR mulls review of forest co-management projects
»Waray-Waray News: RP gintagusya han UN
»Waray-Waray News: Malacanang media officer namatay ha China
»Waray-Waray News: Seguis denepensahan an desisyon ni PGMA ha Mindanao
»Waray-Waray News: 23-M nga estudyante masulod yana nga Hunyo 15 - Valisno
»Waray-Waray News: P600-M iginbukalas para pangupay tikang han "Frank"
»Waray-Waray News: Espesyal nga eleksyon ha Samar ikinadto ha Hunyo-3
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines