Presidential Communications Operations Office



  PIA Bldg, Visayas Ave, Diliman, Quezon City, Philippines
  Wednesday, 23 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/06/04

Waray-Waray News: Mga Obispo natuo nga hi PGMA in kaangayan tagan hin mas mauro-upay nga grado

Manila (4 June) -- Kaurog han mga Katoliko nga Obispo in diri naabuyon han ira igkasi mga prelate nga nagsering nga diri hera kuntento han mga nahimo ni Pangulo Gloria Macapagal-Arroyo ngan han iya siyam katuig nga administrasyon.

Dida han pinakabag-o nga mga report in nagtutug-an nga han 44 nga mga prelate nga ginsurvey 22 an naghatag kan Pangulo Arroyo hin hulog nga grado mahitungod kuno han waray niya pakasolbar han kakablansan han nasud, paghatag hin patas nga edukasyon ngadto han mga kablas, pagproteher han kapaligiran, ngan pag-ugop hin mga politico.

Ha pagbaton hini nga mga report, nagsering hi Bishop Manolo de los Santos han Virac, Catanduanes nga natuo hiya han kabaliktaran hini.

"Diri ako naabuyon han akon mga igkasi prelate. An administrasyon ni Pangulo Arroyo in dako an mga nahimo lab-i na gud parti dida ha imprastraktura," sering ni Delos Santos nga waray magpartisipar dida han survey.

"Natuo ako nga an nakalabay an maghuhusga han iya waray wantas nga pangobyernohan," sering niya.

Ha luyo nga bahin, hi Obispo Martin Iumoad han Isabela de Basilan, nga usa han mga nagpartisipar han survey, in nagsering nga damo an mga mag-upay nga nahimo ni Pangulo Arroyo ha Basilan.

"Labot la han duro nga panginahanglan han mga proyekto pan-imprastraktura, tubig, elektrisidad ngan scholarship programs para ngadto han mga kablas, waray pabay-e han Pangulo an isyu han pagkaada hin kamurayawan ha Mindanao," sering niya.

Sering ni Iumoad nga an kan Pangulo Arroyo paniguro nga masolbar an kasamok ha Mindanao ngan an pagpadayon han GRP-MILF peace negotiations in markado nga nahimo han iya administrasyon."

Usa pa nga Obispo, hi Obispo Leopoldo Jaucian han Bangued, Abra, in nagsering dida han iya tulo katuig ha Abra, nakita han probinsya an kakumpleto hin mga importante nga mga proyekto pan-imprastraktura, sugad han mga kalsada ngan mga tulay nga nakadugang han paghingaupay han kapaligiran.

"Mahitungod hini, gintagan ko hi Pangulo Arroyo hin pasado nga marka," sering niya.

Ha luyo nga bahin, maoobserbahan nga dida han mga report nga an mga Obispo nga nagsering nga diri hera kuntento in diri kaangayan han ira mga baton kun diin hera kaupod ha iba pa nga 22, in naabuyon gihapon han kan Pangulo Gloria Macapagal-Arroyo tulo nga pinakamakusog nga iya mga nahimo dida han iya siyam katuig nga paglingkod nga amo an: mga proyekto pan-imprastraktura, pagpakusog han ekonomiya han nasud ngan han iya pro-life policy.

Upod gihapon hira han nagdayaw han kan Pangulo Arroyo "Bigasan sa Parokya" nga programa, kun diin gintatagan an mga kablas nga pamilya hin barato nga bugas; an iya land reform nga programa; ngan an malinampuson nga automated elections ha bug-os nga nasud dida han Mayo 10, an pinakasiyahan nga natabo ha nasud. Amo gud ini an mga programa nga ha kauro-urhian makakasolbar han mga isyu nga ira iginpagawas.

Tama hi Obispo Delos Santos.

Ha kaurhian, an nakalabay an maghuhusga ha kan Pangulo Arroyo para han iya pangobyernohan. (PIA8/maa) [top]

|«  prev  next  »|
DAILY NEWS LIST:
»DepEd asks public to report unauthorized collections
»Japan-funded agri, envi program 'highly satisfactory' - NEDA
»Army, youth jointly organize Summer Youth Peace Camp
»DBP stresses repayment of Credit Surety Fund loans
»Diwalwal IP groups rally against PMDC order
»Cebuano News: Computers, ubp gihatag sa 11 ka tulunghaan sa ComVal
»Cebuano News: ComVal Gov nakigdayalogo sa mga CIP ug Ball Mill Operators sa Comval
»RDCC-6 flag warning system launched
»Hiligaynon News: Flag signal warning system igalunsyar sang RDCC-6
»Cebuano News: Tinud-anay nga pakig-hiuli nalantawan sa Palasyo human sa presidential inauguration
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines