Presidential Communications Operations Office



  PIA Bldg, Visayas Ave, Diliman, Quezon City, Philippines
  Friday, 26 April 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << April 2019 >> 
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/06/08

Waray-Waray News: PGMA nakakarawat pasidungog tikang ha langyaw mahitungod han iya mga programa para kaupayan han mga kablas

Manila (8 June) -- Hi Pangulo Gloria Macapagal-Arroyo in nakakarawat kakulop nga adlaw han Shining World Leadership Award, usa nga pasidungog nga iginpaabot han kilala nga spirituwal, mahatagon ha mga kablas, ngan maluluy-on ha katawhan nga leader nga hi Ching Hai, ha pagrekognisar han kanan Pangulo waray wantas nga didikasyon para serbisyo publiko lab-i na gud an iya paniguro nga maibanan an kagutom ngan kakablasan ha Pilipinas.

An Pangulo in nakakarawat han pasidungog tikang kan Lin Shan-Kuo, Chairman han Supreme Master Ching Hai International Association, dida han testimonial cultural show "Puso sa Puso" didto ha St. Paul University auditorium ha Quezon City tikang han mga nagpakabenipisyo han iya mga proyekto para han mga kablas nga mga programa ngan para han mga kulang hin mga prebilihiyo nga mga sektor.

An Chief Executive in nagkita han pasundayag kun diin iginpakita gihapon an iya mga paniguro ngan mga nahimo parti ha imprastraktura, mga bulig parti ha edukasyon ngan mga programa pagprotiher han kapaligeran ngan han pag-indorso han kaupayan han mga kablas ha siyudad, indigenous peoples (IPs), an mga senior citizens, out-o-school-youths, an mga nagtratrabaho ha langyaw, ngan han mga may diperensya han kalawasan.

Ginngaranan gihapon dida han testimonial event an kanan Pangulo papel dida han enactment han landmark bills pagsuporta han mga katungod han Indigenous People nga nagin dalan ngadto han pagrekognisar han Muslim holidays ngan pagdistribwer han mga Certificates of Ancestral Domain Titles (CADTs) ngan han Senior Citizens Act of 2010 kun diin naghatag hin daru-damo nga mga benepisyo para han mga idaran na.

Katapos han pasundayag, an Pangulo in ginpasaka ngadto ha entablado para kumarawat han leadership award tikang kan Lin Shan-Kuo nga amo an nagrepresentar kan Supreme Master Ching Hai.

Sering han mga sumat an natawo ha Vietnam nga social leader nga hi Ching Hai an nagtukod han Shining World Leadeship Award dida han Marso 2006. Nag-establisar gihapon hiya hin iba pa nga mga pretidyuso nga mga award sugad han Shining World Compassion Award, Shining World Hero and Heroin Awards, Shining World Honesty Award, Shining World Protection Award, Shining World Intelligence Award, ngan han Shining World Invention Award.

An mga honor in ginpanhatag ha tagsa-tagsa nga mga indibidwal, mga nasyon ngan mga organisasyon ? sugad han 2nd President of the Republic of Slovenia, Dr. Janez Drnovsek, Dr. Jane Goodall, ngan han Save the Children - kun diin an ira mga darayawon nga mga nahimo in dako an naikuntribwer ngadto ha pagkaurosa, kahusay ngan kasustinabli han aton kalibutan.

An pasidungog in para han kan Pangulo Arroyo "waray guol nga didikasyon ngadto han pagserbisyo ha publiko ngan puno hin paghigugma nga pagserbi para han kaupayan han mga Pilipino."

Ha luyo nga bahin, an cultural tribute didto ha St. Paul University para gihapon pagrekognisar han kanan Pangulo waray kapareho nga mga programa para han relokasyon ngan paghatag hin mauukyan ha mga kablas upod dida han iya waray wantas nga 15 ka bese nga pagbinisita para atinderan an kaupayan han mga mangurokoy ha Smokey Mountain; an iya personal nga karisma ngadto han mga nangungulo han iba nga mga nasyon nga nagin dalan para mapasaylo ngan maiban-ibanan an mga sentensya han yenukot-yukot nga mga OFWs; ngan han iya kabaraka para ngadto han mga biktima han mga kalamidad kun diin gin-abrihan niya an purta han Malacaņang bali temporaryo nga sirungan para han mga nagin biktima ha Bagyo Ondoy.

An mga nakadto dida hini nga okasyon amo hera Education Secretary Mona Valisno ngan Presidential Assistant on Culture nga hi Cecille Guidote-Alvarez. (PIA8/maa) [top]

|«  prev  next  »|
DAILY NEWS LIST:
»Flash mob marks Eagle Week
»Cheaper fuel, electricity slow down May inflation
»2nd batch of fresh troops arrive in Davao region
»NPA extortionists torch farm equipment, steal farm animals in Sultan Kudarat
»Panabo turns over 3 school buildings to DepEd
»Cebuano News: Release sa loan ubos sa Koopnegosyo sa Comval gisugdan sa DBP
»Hydroelectric dam releases water for Cagayan Valley farmers
»NVizcaya elementary studes get health supplies
»Northern Samar inaugurates Catubig Dam
»Waray-Waray News: Kamurayawan dako nga ayat han sunod nga Presidente
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines