Presidential Communications Operations Office



  PIA Bldg, Visayas Ave, Diliman, Quezon City, Philippines
  Sunday, 20 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/06/17

Cebuano News: Sex education angay itudlo lang sa mga tinun-an sa high school, sugyot ni mayor

Ni Bong Pedalino

Maasin City (17 June) -- Kon siya lang ang masunod, dili angay iapil sa mga bata sa elementarya ang leksyon kabahin sa sex education ug kini tukion lamang alang sa mga high school students.

Kini ang reaksyon ni City Mayor Maloney Samaco kalabot sa nag-alintabo nga isyu nga mitandog sa Department of Education (DepEd) karon nga gisulayan na sa pinili nga mga eskuylahan sa tibuok nasud -- sa 80 ka public elementary ug 79 ka high schools -- ang pagtudlo sa maong subject ning tuig ting-tungha 2010-2011.

Hinuon, kining dakbayan ug lalawigan sa Southern Leyte wala maapil sa mga listahan diin ipahigayon ang pilot-testing sa pagtudlo sa maong subject nga sex education, sumala pa sa mga namantalang tahu.

Sa interbyu kaniya sa iyang buhatan kagahapon, matud sa Mayor nga iya lamang personal nga opinion ang giluwatan niyang reaksyon, sanglit siya napaaw nga tingali dili maayo pagka-dala sa motudlo labot sa maong hilisgutan diha sa intermediate levels, kon grades IV, V, ug VI nga maoy gi-target ning pinasahe nga lihok sa DepEd.

Nabalaka ang Mayor nga mosangpot na unya kini hinuon sa pagka-kuryoso sa mga batang babaye ug lalaki, ug mga pangutana mahitungod sa seksualidad ug mga reproductive processes magbugtaw na hinuon tingali og kalibog imbes katin-awan alang sa mga kabataan.

Sahi ang kahimtang sa high school, kay dinhi magsugod na ang mga kausaban sa lawas, ug mga batan-on mahimo na nga maka-sunod ug makasabot sa gipanag-hisgutan, sumala sa obserbasyon sa kadaghanan.

Gani, gitumbok sa Mayor nga dihang ang iyang mga anak naa na sa high school diha pa sila naghisgut-hisgot niining mga butanga ug wala sa panahon nga sila elementarya pa.

Sumala sa tahu, si DepEd Secretary Mona Valisno nagpadayag nga walay diskusyon kabahin sa mga contraception o contraceptives ang ilakip sa pilot-tested nga proyekto.

Sumala pa nga ang mga leksyon limitado lamang diha sa reproductive systems, proper peer behavior, personal hygiene, ug mga problema nga sagad motumaw diha sa unwanted pregnancy kon dili sakto sa panahon nga pag-mabdos.

Gi-integrate kon gisagol usab sa mga leksyon sa Science labina sa biology ug sa Health ang lain-laing sistema sa lawas sa tawo, ma-lalake man o ma-babaye, busa buot ipasabot dili na gyod kay ingon og bag-o ang maong pagtudlo, gawas lamang sa makapadani nga ulohan niini nga mao ang sex education. (PIA-Southern Leyte) [top]

|«  prev  next  »|
DAILY NEWS LIST:
»DAR exec bids goodbye
»Japan loans shore up ODA disbursements in Q1
»SMEs access IBM toolkit for free
»Tagum mayor inspires new mayors of Mindanao
»Child labor education task force reorganized in Davao
»Feature: PWDs deserve equal rights
»Capiz PNP puts up 'help desks' to prevent crimes
»NYC accepts entries for TAYO search
»PGMA signs new law allowing LGUs use of calamity funds beyond 5%
»Agusan del Norte opens 43rd foundation anniversary celebration
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines