Presidential Communications Operations Office



  PIA Bldg, Visayas Ave, Diliman, Quezon City, Philippines
  Wednesday, 23 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/06/28

Waray-Waray News: PGMA damo an mga nahimo para han mga Pilipino durante han iya termino - Angara

Manila (28 June) -- Ginhulagway ni Senador Edgardo Angara an pagkatin han liderato ni Pangulo Gloria Macapagal-Arroyo komo usa nga administrasyon nga damo an mga nakab-ot imbes hin mga kapakyasan.

Gintagan ni Angara hi Pangulo Arroyo hin pasado nga grado nga sais tikang hin marka nga 1 ngadto hin 10 ha paggrado han gobyerno ni Arroyo.

Sumala kan Angara, kon an progreso han nasud an paghihimangrawan, damo daw an nahimo han Pangulo nga mga proyekto, usa nga maduroto nga Pangulo nga nakatut-on ha pagpapaka-upay han nasud.

Bisan pa han iya 'politikal nga mga kasaypanan,' damo an mga nakab-ot han Pangulo kontra han mga kapakyasan, sering han magbabalaud.

Nagsering pa hi Angara nga diri daw kaangayan nga susnan an Pangulo Arroyo tungod han P340-bilyones nga budget deficit nga iginbilin han iya administrasyon.

Nagsering hiya nga dida ha aspeto han ekonomiya han nasud, waray daw ini magin negatibo ilarum han rehimen Arroyo.

Nagkaada hin 37 nga quarters hin padayon nga pagtubo han ekonomiya han nasud bisan pa han pankalibutan nga krisis ha ekonomiya.

Nagsering gihapon hi Angara nga angay tutokan ni President-elect Benigno Simeon "Noynoy" Aquino III an pagpapadayon han pag-implimentar han mga proyekto pamakabuhi han administrasyon Arroyo, imbes hin pagpinanbukwat hin mga kriminal, sugad han iginsusulsol ha iya hin pira nga grupo.

Sundon daw naton an ligal nga proseso ngan tagan hin prayoridad an pamakabuhi, sering ni Angara. Iton Pangulo an angay magdesisyon ngan diri adton kon hin-o la an maghuhuring ha iya, kay kon masugad daw hini, bangin magkaada la kita hin giyera sibil kon panmati-an hiton presidente an ngatanan nga ighuhuring ha iya, sering ni Angara.

Nagtikang hadton Pebrero an budget cycle han yana nga tuig, sering ni Angara, ngan kinahanglan tutokan han president-elect an pagrepaso han mga proposisyon ngan an pagpapadayon han mga proyekto nga plastado na nga daan.

Natuo hi Angara nga igpapadayon ni President-elect Aquino an mag-upay nga mga programa nga iginpatuman ni Pangulo Arroyo nga nakapahimulos gud han katawhan Pilipino.

Nagsering hi Angara nga an numero uno nga ayat kan Aquino amo an kon paonan-o mapapadukwag an pamakabuhi han tagsa Pilipino ngan an ekonomiya ha pankabug-osan.

Iginpatin-aw niya nga bisan kon nagsaad hi Aquino nga diri hiya mag-iimponer hin bag-o nga umento ha kaburuhisan, mayda higayon nga bangin mapugos an president-elect pagpatuman hin umento. Sering ni Angara, waray nasud nga nakasulbar hin problema pinansyal pinaagi hin diri paggamit hin buhis.

Mahimo lumahos an deficit hin P20 bilyones o kon P30 bilyones pero mapupun-an ini pinaagi hin mahugot nga paghikay hin koleksyon han maglainlain nga ahensya, sugad han Bureau of Internal Revenue, Land Transportation Office, Ninoy Aquino International Airport, ngan iba pa, sering ni Angara. Damo an mga paagi para matapalan an kakulangan ha pondo, pahayag pa niya. (PIA-Eastern Samar) [top]

|«  prev  next  »|
DAILY NEWS LIST:
»PGMA visits Iloilo Monday
»BIR urges taxpayers to avail of e-services lounge facility
»34th Subiran Regatta in Region 8 sets off
»Feature: A long way for Pintados-Kasadyaan festival
»Cebuano News: PGMA manamilit sa Bohol uban ang inagurasyon sa P368-M port
»Cebuano News: Pinakaunang airport service alang sa mga VIPs sa Asya tukoron sa Clark
»Cebuano News: Mga pagbiyahe ni PGMA sa gawas sa nasud nakapadugang sa pamuhunan
»Cebuano News: Governors' league mihingalan ni PGMA nga "most LGU-friendly President"
»3rd wave of candidate soldiers specializes in jungle warfare
»Waray-Waray News: Mga pagbiyahe ha gawas han nasud nakabulig han mga imbestor - Palasyo
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines