Presidential Communications Operations Office



  PIA Bldg, Visayas Ave, Diliman, Quezon City, Philippines
  Friday, 26 April 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << April 2019 >> 
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/06/29

Cebuano News: Serbisyo sa tubig sa Maasin tabangan sa city LGU

Ni Bong Pedalino

Maasin City (29 June) -- Sa di madugay, ang pangindahay nga matuhay ang serbisyo sa tubig ning dakbayan pinaagi sa Maasin Water District (MWD) makabaton nag masilak nga kaugmaon bisan pa man sa kahimtang niini karon nga nagtikanihit ang agas.

Kini nga kalambuan mitumaw human si City Mayor Maloney Samaco mibutyag sa duha ka mga mahayag nga kapaingnan sa pag-ugmad sa duha ka laing tinubdan sa tubig nga kuli na gyod unyang mokunhod alang sa mga katawhan, ma-pang-balay man o komersiyal ang kagamitan.

Sa usa ka press conference uban sa local media kagahapon sa buntag didto sa iyang buhatan human siya maka-panumpa sa may city gym, si Mayor Samaco miasoy nga sa miaging semana nagka-istorya na sila ni Nestor Geraldo, MWD General Manager, diin iyang nasayran nga may gitutokan na karon nga ugmaron laing tinubdan sa tubig sa may ibabaw nga bahin sa barangay Bantig, apan mga detalye niini wala pa ikabutyag.

Si Geraldo misiguro nga kon magamit lang ang tinubdan sa Bantig kini makatabang na sa water supply, sanglit ang una nang giplanohan nga ugmaron, ang sa barangay Matin-ao, napalgan man nga dili ra makapa-igo, sugilon pa sa Mayor nga nagkutlo sa sulti usab sa MWD Manager.

Sa nalambigit nga kalambuan, gibutyag sa Mayor nga ang National Irrigation Administration (NIA) nagpadayag kinig interes motabang pagsulbad sa kakulang sa tubig sa siyudad pinaagi sa pag-gamit nila sa naghinobrang tubig sa barangay Cagnituan nga himoag irigasyon paingon sa barangay Hanginan.

Kining proyekto sa irigasyon nga magdugtong sa Cagnituan ug Hanginan, inig ka tuman unya niini, mahimong pahimuslan ang nag-awas-awas nga tubig alang sa water concessionaires sa MWD, sanglit napanid-an nga ang tinubdan sa Cagnituan way hubas-hubas bisan pa panahon sa grabeng huwaw.

Nag-agwanta karon ang mga konsumedor sa MWD sa kanihit sa tubig sukad pa pagsugod sa El Nino sa Pebrero karong tuiga, ug bisan gani karong bulana sa Hunyo nga duna nay ulan kay La Nina na, ang agas sagad anha na sa lawom nga gabii paingon sa alas 7 sa buntag.

Ang naandan nga tinubdan sa MWD nga mao ang barangay San Jose ug Batuan mokunhod agad sa panahon, ug ang pag-trabaho sa ubang mga kakuhaan nabalda gumikan sa kadako sa gasto.

Bahin sa gasto, si Samaco mitataw nga ang city government andam ug tagana pagpaluyo ug kon mahimo, mo-garantiya pa kini og loan sa bangko aron lang matuman ang pangandoy nga mosubwak na ang water supply sa siyudad.

Sa pangutana pila kahay gastoonon, si Samaco miingon nga anha gyod sa mga P 80 million kapin, kay kini nga bana-bana kaniadto ra man.

Apan gawas ning kadako sa gasto, wa na ba kahay laing makababag, sama sa nahitabo sa barangay Ibarra, si Samaco mipasalig nga dili na masubli ang kasinatian sa Ibarra, sanglit ang mga opisyales sa Cagnituan tiunay nga gustong mopakig-ambit sa nag-hinobra nilang tubig. (PIA-Southern Leyte) [top]

|«  prev  next  »|
DAILY NEWS LIST:
»Boat landing facility built for Liguasan Marsh fisherfolks
»Troops on rescue mission overrun NPA camp, recover 4 bombs; 2 rebs killed
»DepEd, Union Bank, soldiers converge to deliver 130,000 books in Davao Region
»Tagum conducts Climate Change Forum in celebration of World Environment Month
»Feature: Tinoto's water of hope
»Panabo LGU to focus on poverty
»Study presses need for sex education
»Diwalwal official questions 8-year gov't control of mine site
»PGMA thanks Ilonggos, turns over P160-M repaired bridge
»Bohol is all thanks for PGMA
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines