Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 18 October 2018 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2018 >> 
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/07/05

Waray-Waray News: Aquino gusto hin moderno, darudako nga AFP

Nagsaad mauroupay nga relasyon ha butnga han sibilyan-militar

Manila (5 July) -- Hi Pangulo Benigno "P-noy" S. Aquino III, dida han iya pakigmeeting han Biyernes ha mga hagtaas nga opisyal han militar dida han iya ika-duha kaadlaw ha opisina, in nagsering nga sesegurohon niya nga an Armed Force of the Philippines (AFP) in magigin moderno, darodako ngan igkakaarasya ha mga sibilyan.

An bag-o nga Chief Executive, nga dayon ginkaptan an responsibilidad bali Commander-in-Chief han Armed Forces, in nagsering nga gusto niya nga an bag-o nga liderato han militar in magin maimpluwensya ngan moderno ha pagpadalagan han mga reporma han armed forces para magin epektibo ngan organisado ha pagtapo ngan pagpadalagan han kanan nasud proteksyon ngan seguridad.

An Pangulo in temprano nga nagpagwas hini nga mga mensahe parti palisiya dida han palingkuron niya hi Lt. Gen. Ricardo David bali AFP Chief of Staff dida han pormal nga seremonya pagliwan han mayoriya ha Camp Aguinaldo.

Dida han iya mensahe ngadto han militar, nagsering hi Aquino nga iya pagsesegurohon nga an pagigin moderno han AFP in masustiner ngan magin instrumento para han stabilidad han AFP ngan kamakurokusog para mas nga makagserbi han mga katawhan.

Sering niya nga nagpagawas na hiya hin mga mandameyento ngadto han bag-o nga Secretary han National Defense nga hi Voltair Gazmin para tutukan an mga gius para ini in mas nga magin moderno.

Pero naghatag hiya hin abiso nga an pag-alutaga hin pundo ngadto han militar in kinahanglan basi ha mga prinsipyo han propesyonalismo ngan utilitarianism.

"Sumati kami kun ano it iyo mga kinahanglan ngan tatagan namo kamo, basta ini hera in basi ha prinsipyo han propesyonalismo ngan utilitarianism; basta ini in makakabenipisyo han bug-os nga institusyon ngan diri la ha interes hin pipira. Kun gamiton naton nga ig-alutaga an mga pundo hin maupay nga paagi, diri la naton mapapauro-upay an kabutang han armed forces kundi an aton katawhan. Ha Mauro-upay ngan mas alerto nga ekonomiya, mas nga matatapo naton an iyo mga panginahanglan," sering han Pangulo.

Kaupod hini nga pagpamoderno, dugang han Pangulo nga mayda gihapon gius pagpaharuhalawig han AFP, nga waray tumubo han pira na katuig, ha luyo nga an kanan nasud pupolasyon in nagduble na. An AFP in 120,000 an kakusgon, nga mayda tulo nga panguna nga mga serbisyo: an army, navy ngan an air force. Usa nga P50 billion modernization law in igintukod dida han 1995, pero mahitungod hin kakulang hin suporta ha budget ngan diri asya nga paggamit han mga pundo in nakaruba han programa.

Dugang pa ni Pangulo Aquino: "An mga butang nga ginhuhuna-hunaan ko tikang ha iyo, kun diin maihahatag gihapon han iyo Commander in Chief, in mga butang nga kinahanglan para magin moderno an aton armed forces. Kun kita ngatanan in magsusunod han mga regulasyon, ngan mainsister han propesyonalismo, an integridad in mapapauro-upay. Kun bubuhaton naton an aton mga trabaho pinaagi hin disiplina, maaatubang naton an ngatanan nga mga pag-ayat hin kamakugi kun diin naipakita han aton nasud nga kita ngatanan in mayda hini. Kun kita in magseseguro ha aton trabaho, makakaagi kita hin mga sulosyon ha aton mga problema, makakaseguro hin pagkaurosa ha stratehiya ha sulod han armed forces, ngan ha butnga han mga sibilyan ngan militar.

Ha turotemprano pa dida han iya mensahe, gin-utro han Pangulo ngadto han militar an iya panaad dida han iya inaugural speech dida han Meyerkoles nga hiya in mangungulo pinaagi hin ehemplo ngan tatagan an nasud han tinuod nga liderato.

"Nagdadahum ako tikang ha iyo hin propesyonalismo, integridad, disiplina, kamakugi, ngan pagseguro ha trabaho. Ini in iyo gihapon makikita ha akon," sering niya, kun diin ginpahinumdum niya an mga tropa han prinsipyo han sibilyan nga autoridad ngadto han militar. Gintudlok niya an iya pagpalingkod kan Gazmin, usa nga maiha na nga nagretiro nga armed forces general pero yana usa na nga sibilyan, ngadto ha defense post nga usa nga kanan sibilyan.

Sering gihapon han Pangulo nga natuo hiya han sibilyan ngan militar nga kuoperasyon nga kinahanglanon.

"Nasering ako nga strategic harmony mahitungod nga kinahanglan atubangon naton an reyalidad nga han mga nakalabay nga mga katuigan, an estrateheya in waray tagi hin importansya ha mga tactical nga mga kunsiderasyon. Natuo ako nga an militar in mapapadalagan hin mauro-upay kun an sibilyan ngan han kanan militar nga liderato in magkakaada hin maupay nga sarusarabot parti han seguridad han nasud, ngan makagplano hin maupay kun diin mahingangadto hin tuhay nga tactical nga mga desisyon."

Gindayaw han Pangulo an militar mahitungod han malinampuson nga pagdumara han automated national elections dida han Mayo.

Sering niya nga ginlalauman niya nga an bug-os nga Armed Forces an mangunguna han kanan gobyerno panuyo pagpauro-upay hini, paglimpyo han iya kapaligiran ngan magserbi bali modelo ngan inspirasyon para han iba nga mga ahensya.

"Ha iyo maiha na nga tradisyon han pagsustiner han kanan militar mga ideyalismo ngan disiplina, sakripisyo ngan didikasyon pagserbi han katawhan ngan han nasud, naseseguro ko nga an Armed Forces in mangunguna naliwat ha paghatag ha aton nasud ngan ha aton katawhan hin tim-us nga pagka-urosa ngan estabilidad, paghinga-upay ngan progreso han nasud," sering han Pangulo. (Translated by: PIA8/maa) [top]

|«  prev  next  »|
DAILY NEWS LIST:
»P-Noy issues 22-point labor policy agenda
»Angara joins Aquino in prioritizing education and agriculture
»La Union officials unite to strengthen reform agendas
»P-Noy attends first flag-raising ceremony in Malacaņang
»NVizcaya provincial officials take oath
»Region 8 launches One Nutrition One Nation Movement
»BIR Samar to launch eLounge facility
»Cebuano News: Palasyo naglihok aron maporma na ang Truth Commission
»Cebuano News: Trabahante sa gobyerno makadawat sa ika-2 bahin nga pagtaas sa sweldo
»Cebuano News: Lacierda nagklaro sa mando sa palasyo kabahin sa co-term officials, personnel
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines