Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 24 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/09/08

Waray-Waray News: Namumuno han DAR-8 nagpatapod matatapo an mga tinguha para 2010

Tacloban City (8 September) -- An bag-o la nga lumingkod nga Regional Director han Department of Agrarian Reform (DAR) in determinado nga matapo an kanan yana nga tuig tinguha ha distribusyon han tuna ha Eastern Visayas ha luyo nga limitado na an oras nga nahibibilin para ha iya.

Hi Regional Director Alexis Arsenal in ha pagkayana naatubang han pag-ayat nga matapo an nahibibilin nga upat kabulan an dako pa nga balansi han kanan yana nga tuig tinguha nga nahibilin han iya ginsundan, sering ni Mr. Jose Alsmith Soria, an DAR Regional Information Officer.

Usa ka-adlaw matapos hiya lumingkod han opisina, nakig-aragtubang hi Director Arsenal han ngatanan nga mga Provincial Agrarian Reform Officers (PAROs) han unom nga mga probinsya han rehiyon, upod an mga hagtaas nga mga opisyal han regional office para manginano han kahimtang han implimentasyon han Comprehensive Agrarian Reform Program (CARP) ha bug-os nga rehiyon.

Iya nasabutan nga 12,903 ka-hektarya hin pribado nga mga tuna pan-agrikultura o 98.6 pursyento han 13,080 ka-hektarya nga target in nabibilin nga waray pa kalabti ngan kinahanglan nga mahimuan hin certificates of landownership award (CLOAs) ngan igdistribwer ngadto han potensyal nga mga agrarian reform beneficiaries para matapo an 2010 nga tinguha.

Dida han kumperensya, an DAR 8 Director in nagmando han mga opisyales han Departamento nga makig-urosa pagtrabaho han mga nahitutungdan nga mga ahensya nga may kalabutan han pamaagi han pagdistribwer han CLOAs para matapo an mandameyento.

Ha luyo nga bahin, iya gihapon gimanduhan an Administrative Division nga ihatag an ginkikinahanglan nga suporta.

Han pagkasunod nga Lunes, nagtikang na hiya pakigkirigta han mga nag-iimplimentar ha gawas sugad han Municipal Agrarian Reform Officers (MAROs) ha Leyte.

Mahuman hin duha ka-semana, nahingadto na ni Arsenal hin upat nga mga probinsya han rehiyon kun diin nakahatag hiya hin inspirasyon ngadto han mga magtratrabaho han mga probinsya para matapo an ira tagsa-tagsa nga mga tinguha.

Para maaghat an mga taga probinsya nga magtrabaho, ginkumpara ni Arsenal an organisasyon hin usa nga uyag. Sering niya, kita ngatanan in mga mag-uroyag nga nanginginahanglan magkuntribwer para matapo an aton mga tinguha. Dugang pa niya nga diri ini pareho han basketball nga uyag kun diin an iba nga mga mag-uroyag in nahibibilin didto han lingkuran, dinhi ngatanan in kinahanglan kumiwa ngan magdumara han iya parti.

Ha ilarum han Republic Act 9700 o an CARPER nga balaud, an DAR in ginmanduhan pagdistribwer hin maabot 64,000 ka-hektarya hin mga tuna pag-agrikultura ngadto hin maabot 29,000 nga potensyal nga mga agrarian reform beneficiaries ha Rehiyon 8 tikang han Hulyo 1, 2009 ngadto ha Hunyo 30, 2014. Ka-urogan hini in mga pribado nga mga tuna para pan-agrikultura nga ginkukunsiderar nga sobra han lima ka-hektarya nga limitasyon nga gintutugot ha kada tag-iya hin tuna sugad han nakapahamtang hini nga balaud. (PIA 8/maa) [top]

|«  prev  next  »|
DAILY NEWS LIST:
»DTI to present Philippine Business Registry program in CAR
»Utility providers clarify 5% power, water bills discount for senior citizens
»Tagalog News: PNoy gagawaran ng parangal ng kolehiyo sa Amerika ng dating Pangulong Cory
»Tagalog News: 5 barangay sa Bulacan na may pinakamahuhusay na programa, pararangalan ng pamahalaang panlalawigan ngayong Sabado
»Davao drainage team to run after "sako gang"
»Civil servants urged to RACE for change
»Farflung entrepreneurs to benefit from paperless business registry
»Impact of aid effectiveness initiatives on health, rural sectors to be assessed
»Davao Oriental out-of-school youth complete Masonry NC2 training
»ComVal joins celebration of 110th Philippine Civil Service anniversary
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines