Presidential Communications Operations Office



  PIA Bldg, Visayas Ave, Diliman, Quezon City, Philippines
  Saturday, 20 April 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << April 2019 >> 
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/09/14

Waray-Waray News: Malacaņang iginpatapod an proteksyon para han anti-'jueteng' nga anay arsobispo

Manila (14 September) -- Tatagan hin proteksyon han gobyerno an retirado nga arsobispo Oscar Cruz kon manmeligro iton iya seguridad kasumpay han iya kampanya pagpuypoy han hueteng, usa nga popular kondi iligal nga huego.

Iginpatapod ini ni Presidential spokesperson Edwin Lacierda hadton Lunes durante hin usa nga media briefing ha Malacaņang.

Kon mayda daw tarhug ngada han kinabuhi han padi, gilayon hira magi-os pagpanalipod kan Cruz kanay kampanya kontra han hueteng en suportado han Malacaņang, sering ni Lacierda.

Linutaw na naman an ngaran ni Cruz ha mga balita kataliwan niya ig-akusar en pira nga mga kaalyado han Malacaņang nga nanngangarawat hin binulan nga hukip tikang han hueteng.

Utro naman nga ipinanawagan han Malacaņang nga igbuyagyag ni Cruz kon hira hin-o gud ini nga iya ginhihiunabi-an agud hira maimbestigaran ngan masirotan kon mapamatud-an nga salaan.

Sigun kan Lacierda, may-ada responsabilidad an molupyo pagbulig ha gobyerno agud masurapo an hueteng ngan iba nga mga problema nga gin-aatubang han nasud.

Ante mano, iginpahayag ni Cruz nga diri na niya kinahanglan panngaranan pa an mao nga mga kaalyado tungod nga mayda daw gahom ngan kapasidad an Malacaņang pagsusi hini nga isyu.

Ikinalilipay han Malacaņang nga iginsusumbong na han katawhan an mga iregularidad ha gobyerno agud ini masurapo.

Sugad man, ikalilipay daw gihapon han Malacaņang kon igtukib gud ni Cruz an mga personalidad han mga nagpapakatagamtam han hueteng nga iya ginhingadayan.

Andam an Malacaņang, sigun kan Lacierda, manmati kan Cruz mismo mahiunong han mga detalye han iya iginbuyagyag.

Nagsering hi Lacierda nga naglalaom hira nga magkakaada hin higayon para mapaghimangrawan ini nira ngan hi Cruz.

Gin-aghat ni Cruz an gobyerno nga gumi-os hin hinalali kay mayda na daw mga gobernador nga nagpapalakat na hin hueteng.

Nalalantaw niya an tidaraon nga barangay elections nga ma-iimpluwensyahan hin mga hukip tikang han hueteng kon diri ini aksyonan han gobyerno ha gilayon.

Natuo hi Cruz nga napapanahon na an pagdumara hin lagidgid nga imbestigasyon hini nga problema tungod nga waray makikit-an nga resibo hiton mga koleksyon han hueteng ngan mga hukip tikang hini. An ebidensya daw la nga mahiplaplastar amo an direkta nga mga igsasaysay hin mga testigo. (PIA-Eastern Samar) [top]

|«  prev  next  »|
DAILY NEWS LIST:
»Tagalog News: DSWD 3 inanunsyo na ang regional finalists sa 4Ps jingle making contest
»Tagalog News: Mga natatanging Bulakenyo kikilalanin ng pamahalaang panlalawigan ngayon
»Dureza calls support for new MinDA head
»Davao City eyes malarial area for agri-development
»R-XI nominees cop major prizes in literacy awards
»NEDA seeks long-term Mindanao development plan adoption
»Davao Norte to fund beautification of barangay sites
»Gov brings light to Napunggas
»September 26 is World Heart Day
»R1 gov't agencies join RACE mall tour
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines