Presidential Communications Operations Office



  PIA Bldg, Visayas Ave, Diliman, Quezon City, Philippines
  Monday, 22 April 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << April 2019 >> 
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/09/14

Waray-Waray News: DTI nagpahimatngon ha publiko kuntra pamalit hin baratuhon ngan kulang ha kalidad nga Christmas lights

Tacloban City (Septyembre 14) -- An Department of Trade and Industry (DTI) ha Leyte in naghatag hin pahimatngon ngadto han publiko parti han pamalit hin baratuhon ngan kulang hin kalidad nga mga Christmas lights kay ha kauro-urhian bangin lugod ini mas magin marumahal mahitungod han iya dara nga kadelikaduhan ngadto ha kinabuhi han katawhan ngan ha mga propyedad.

An DTI Leyte pinaagi kan Mr. Joe Molina in nagtikang na pagpinagawas han pahimatngon mahitungod nga natikang na an mga ?ber nga bulan, para maalerto an publiko han kadelikaduhan han panmalit hini nga mga baratuhon ngan kulang ha kalidad nga mga produkto.

Sering ni Mr. Molina nga an DTI in magtitikang na pagmonitor han mga tindahan ha probinsya ngan magkukumpiskar han mga substandard nga mga Christmas lights nga pinanmamaligya ha mga shop lab-i na gud ha mga lugar kun diin may nanhihisumat nga may mga baratuhon nga ginbabaligya nga mga electric lights.

"Kun ikaw in napalit hin Christmas lights, pirmi kikitaa an Philippine Standards (PS) and Import Commodity Clearance (ICC) nga mga marka," sering ni Mr. Molina. Dugang pa niya nga an mga manmaralit in kinahanglan nga pumalit la han mga Christmas lights nga ginmarkahan na han gobyerno.

An Christmas lights in regulated nga mga produkto, pagpasabot ni Mr. Molina. Ha ilarum han Product Certification Scheme han kanan DTI-Bureau of Products Standards (DTI-BPS), an usa nga regulated nga produkto o an usa nga produkto nga napapailarum han mandatory certification, in ginsusumite ngadto ha BPS Testing Center o maski diin nga BPS-recognized nga laboratoryo para hin sunod-sunod nga pag-eksamin, antes ini in igdistribwer o ibaligya ha mga tindahan.

Ginklaro ni Mr. Molina nga an mga parapanhimo la ngan an mga importer kun diin an ira mga produkto in naagi ha safety and quality nga mga ginkikinahanglan para hin usa nga specific standard an gintatagan hin PS License para han mga lokal nga ginhimo nga mga produkto ngan an ICC Certification para han mga produkto tikang ha gawas. An mga "PS" ngan "ICC" nga mga marka dida han mga produkto an garantiya nga ini hera in talwas gamiton.

Ini nga mga panginahanglan, sering ni Mr. Molina, in basi ha Republic Act 4109 (Standards Law), ngan Department Administrative Order (DAO) 01:1997 ngan DAO 05:2001, nga nagkikinahanglan hin mga manufacturer ngan mga importer o mga distributor hini nga mga produkto para makakuha han PS License ngan ICC Certificate.

An mga Christmas lights nga waray magkaiinspeksyon pinaagi han PNS 189:2000 in pwede nga diri makatapo han upat nga mga mandatory requirements para han ball pressure, torque, temperature rise, ngan wire tests, nga pwede makadara hin electric shock ngan overheating nga magdadalan ngadto ha sunog nga magreresulta hin kawaray mga propyedad ngan mga kinabuhi.

Nag-abiso hi Mr. Molina ngadto han mga kunsumidor nga manginano han mga wire ngan mga plug han Christmas lights. An usa nga DTI-certified Christmas light in mayda wire nga may diameter size nga 1.5mm ngan an pin han plug in diri madali mapilo.

Dugang pa ni Mr. Molina nga an regular monitoring han mga mandatory nga mga produkto in nakakapara han duro nga pagpinanmaligya han mga kritikal nga mga substandard nga mga produkto ha mga tindahan ngan ha pareho nga higayon naproprotektahan an mga kunsumidor ha mga dire kaangayan nga panmaligya.

Iya gihapon gin-aaghat an mga kunsumidor nga magin mabinantayon ngan magreport ha pinakaharani nga opisina han DTI ha ira tagsa-tagsa nga mga lugar, parti hin mga negosyante nga nagpipinanmaligya hin mga substandard nga mga produkto. (PIA 8/maa) [top]

|«  prev  next  »|
DAILY NEWS LIST:
»Tagalog News: DSWD 3 inanunsyo na ang regional finalists sa 4Ps jingle making contest
»Tagalog News: Mga natatanging Bulakenyo kikilalanin ng pamahalaang panlalawigan ngayon
»Dureza calls support for new MinDA head
»Davao City eyes malarial area for agri-development
»R-XI nominees cop major prizes in literacy awards
»NEDA seeks long-term Mindanao development plan adoption
»Davao Norte to fund beautification of barangay sites
»Gov brings light to Napunggas
»September 26 is World Heart Day
»R1 gov't agencies join RACE mall tour
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines