Presidential Communications Operations Office



  PIA Bldg, Visayas Ave, Diliman, Quezon City, Philippines
  Sunday, 21 April 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << April 2019 >> 
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/09/15

Waray-Waray News: PNoy makikigkita han ASEAN, US counterparts ha iya pagbisita ha US

Manila (15 September) -- Hi Pangulo Benigno Aquino III nga nakatalaan pagbisita ha Estados Unidos dida hit Septyembre 20 ngadto ha 26 in magkikigta han iya mga counterpart didto ha Association of Southeast Asian Nations (ASEAN) ngan han Estados Unidos.

An pinakarason han kanan Pangulo pagbisita amo an paghatag hin mensahe didto han 65th United Nations General Assembly (UNGA) nga nakatalaan ha Septyembre 24. An UNGA in usa nga katitirok hin masobra 150 nga mga Heads of State/Government ha New York ngan utro nga ginkukumpirma an kanan gobyerno han Pilipinas kakumitido ngadto han UN Charter ngan han iya mga prinsipyo. Makikigkita gihapon hi Pangulo Aquino kan United Nations Secretary-General Ban Ki-moon.

An tema han ika-65 UNGA amo an "Reaffirming the Central Role of the United Nations in Global Governance", in nakalinya han kan Pangulo Aquino plataporma pagpadurodig-on han maupay nga pangoyernohan ngan pagkigbisog han kakablasan.

An Pangulo, ha pareho nga adlaw, amo an magigin coordinator para han 2nd ASEAN-U.S. Meeting ha New York. Nahibaruan nga an Pilipinas ha pagkayana amo an nagseserbi bali Country Coordinator para han ASEAN-US Dialogue relations tikang han 2009 ngadto ha 2012.

Hi Pangulo Aquino amo an mangungulo han hurohimangraw dida hit ASEAN-US Leaders Meeting, mahuman an opening remarks han mga co-chairs nga amo an Vietnam ngan han Estados Unidos.

Bali Country Coordinator, an Pilipinas in mayda direktiba pagpaharu-halawig ngan pagpaheru-helarum han kuoperasyon ha butnga han mga nasud han Southeast Asia ngan han Estados Unidos, lab-i na gud an implementasyon han resulta han kanan Leaders' Meetings, an mga directiba han nga iginpagawas han mga Foreign Minister dida han tinuig nga Post-Ministerial Conference session han Estados Unidos, ngan han Plan of Action to Implement ASEAN-U.S. Enhanced Partnership.

An meeting in magigin opurtunidad para kan Pangulo Aquino para igkakirita han mga Heads of State/Government of ASEAN ngan han Estados Unidos.

Hi Pangulo Aquino in anay nakatalaan pagbisita ha Indonesia ngan Vietnam pero an mga biyahe in ginpaligid la anay mahitungod hin diri sarabuton nga mga atinduron dinhi ha nasud. Matapos hin pira nga mga kunsultasyon ha Jakarta ngan Hanoi, an kanan Pangulo opisyal nga pagbisita han duha nga mga nasud in ginbalhin antis o matapos an ASEAN Summit ha Hanoi dida hit Oktubre.

An ASEAN-U.S. Leaders Meeting in maghahatag kan Pangulo Aquino hin higayon para igkakirigta diri la han mga ASEAN Leaders kundi pati han Pangulo han Estados Unidos.

An $434-million Millennium Challenge Compact agreement ha butnga han gobyerno han Pilipinas ngan han U.S. Millennium Challenge Corp. (MCC) in nakikita gihapon nga pipirmahan ha New York. Ini nga bulig nga pundo in igpapaagi ngadto han kan Aquino administrasyon mga programa para ha pagpaharu-hamubo han kakablasan, pagpaharu-hataas han koleksyon han buhis ngan pagpauro-upay han mga inprastraktura.

Gagamiton gihapon ni Pangulo Aquino an mga opurtunidad dida hit iya biyahe ha Estados Unidos nga makuha an kanan iya Administrasyon mga prayoridad nga makadara hin mga kapitalista, mga opurtunidad para makag-abri hin mga trabaho, pag-iban han kakablasan ngan pangita hin mga pamaagi nga mas magin moderno an kanan nasud inprastraktura.

An Pangulo in nakatalaan pakigkita han mga CEOs ngan hagtaas nga mga opisyal han mga nangunguna nga U.S. corporations ha New York ngan San Francisco. Ini in nag-uupod hin mga business meetings ngadto hin mga corporate leaders han Coach, Luen Thai, IBM, JP Morgan, Sutherland, Automatic Data Processing ngan Hewlett Packard.

An Pangulo in makikigkita gihapon han mga meyembro han Filipino American community ha New York ngan San Francisco para pasalamatan hera han ira gugma han ira gintikangan nga nasud, igpapasabot ha ira an iya ungara para hin maupay nga pangobyernohan, ngan aghaton hera han ira aktibo nga partisipasyon nga marekognisar an national agenda han pangobyernohan ni Aquino para han mga Pilipino.

Gin-estimar han Commission on Filipinos Overseas (CFO) nga maabot 2.84 milyones nga mga Pilipino in aadto ha US, kun diin maabot 34% han total overseas Filipinos ngan 42% han remittance ngadto ha Pilipinas.

Ha San Francisco, magkakaada hin Roundtable discussion ha mga Pilipino nga naghinga-upay didto ha US dida ha linya han science technology ngan engineering (ST&E) para hangyuon hera nga manguli ngan bumulig pagpauro-upay han nasud.

Ha pagrekognisar han iya extraordinary nga serbisyo bali usa nga opisyal han publiko, an College of Mount Saint Vincent ha New York in magpapasidungog kan Pangulo Aquino han kanan koleheyo pinakahitaas nga honor ? an Saint Elizabeth Ann Seton Medal.

Ini nga institusyon in naghahatag hin Aquino scholarship nga ginpasilitar paghatag hin pasidungog han ira usa nga ginhahangad nga alumni, an anay Pangulo Corazon C. Aquino. An ira Department of Modern Languages in nag-oopreser hin Pilipino ngan ha diri maiha nga panahon ini in magkakaada hin Filipino Studies nga programa.

Ha imbitasyon han Council of Foreign Relations, usa nga nangunguna nga US think-tank parti international affairs, hi Pangulo Aquino in magyayakan parti han relasyon ha butnga han Pilipinas ngan U.S. ngan an tindog han Pilipinas ha mga nangunguna nga international ngan regional nga mga isyu ha atubangan hin maabot 300 nga katawhan. An kanan Council board of directors in nag-uupod hin mga kilala ha susyedad sugad han anay mga Secretary of State nga hera Madeleine Albright ngan Colin Powell.

An kanan Pangulo pagbisita ha U.S. in magtatapos pinaagi hin usa nga Gala Dinner han Philippine Development Forum, nga anay kilala nga Ayala Foundation-USA, kun diin hiya in maghahatag hin keynote speech. Gin-aantisipar nga an Pangulo in mag-aaghat han mga Pilipino ha US nga magpakita hin bag-o nga People Power kun diin maipapagawas an ira esperito hin pagpresentar para hin mas nga magpapauro-upay han nasud han mga Pilipino.

An Pangulo ngan an iya delegasyon in nakatalaan pag-abot ha Manila dida hit Septyembre 28. (PIA 8/maa) [top]

|«  prev  next  »|
DAILY NEWS LIST:
»Tagalog News: World Rabies Day gugunitain sa September 28
»Tagalog News: DOST 3, inaanyayahan ang mga kumpanya sa Gitnang Luzon na subukang magpasuri sa kanilang RSTL
»Aquino vows to advance welfare of Muslim Filipinos
»NOLCOM readies troops for Balikatan 2011
»Bangko Sentral holds economic learning drive
»DILG-XI links up with MINCODE, academe to promote transparent and accountable local governance
»RDC XI confirms new set of sectoral committee officers
»LandBank pays tribute to top partner countryside financial institutions
»USAID chief operating officer visits Mindanao
»Turnover of MinDA Chairmanship set today
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines