Presidential Communications Operations Office



  PIA Bldg, Visayas Ave, Diliman, Quezon City, Philippines
  Wednesday, 24 April 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << April 2019 >> 
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/11/11

Waray-Waray News: Turismo han Boracay kinita hin P12 bilyones

Manila (11 November) -- Nakahikay an kilalado nga Isla han Boracay hin P12 bilyones nga kita basar han rekord ngada han bulan han Oktubre hini nga tuig.

Segun han lokal nga Department of Tourism (DOT) han siyudad han Iloilo, an kita han Boracay nga kadak-an dara han turismo en inabot na hin P12.17 bilyones sakob han 9 ka bulan hini nga tuig. Nagsering an DOT nga hiruhitaas ini kumparar han kantidad nga nahikay han naglabay nga tuig.

Sugad man, ginpahayag han DOT nga masubra hin 600 mil nga lokal ngan langyawanon nga mga turista an pinasyada ngada han magbusag nga mga beach ngan iba pa nga mga lugar han Boracay. Ini en hiruhitaas hin 40 porsyento kumparar han kadamuon han mga dinu-aw ngada han isla hadton 2009 kon diin inabot la hin 470 mil.

Igindadaku han DOT nga maabot na hin 230 mil nga langyawanon nga mga turista an binisita ha Boracay temprano pa han bulan han Oktubre. Nagsering an DOT nga pinakadamu an mga turista nga napakada han isla ha mga bulan tinikangan han Oktubre ngada hiton Mayo.

Maupay daw ini nga sumat, sering han DOT, ha butnga hin maglainlain nga travel advisories nga iginpagawas hin pira nga mga nasud kontra hiton pagbisita nganhi ha Pilipinas. Mahinunumdoman nga nagpagawas ha diri pala maiha hin mga pahimatngon an mga nasud han Estados Unidos, Australia ngan United Kingdom para han ira mga molupyo nga maglikay pagbiyahe nganhi ha Pilipinas ha butnga hin mga hulga hin terorismo.

Kondi, iginpapakita han datos ha DOT nga maabot hin 11 mil nga mga Amerikano ngan masubra hin 5 mil nga mga turista tikang ha Australia ngan UK an pinasyada ngada han isla han bulan han Oktubre.

Sumala kan DOT regional director Edwin Trompeta, nagpapabilin nga mabakod an industriya han turismo dida han rehiyon tungod han mahimyang nga situwasyon ngan sugad man han nakaka-engganyo nga tourism packages nga igintatanyag ha mga turista. (PIA-Eastern Samar) [top]

|«  prev  next  »|
DAILY NEWS LIST:
»Tagalog News: PNoy, tutulak patungong Japan ngayong araw
»Tagalog News: 43 MSMEs ng Central Luzon lalahok sa 5th OTOP Luzon Island Fair
»PNoy declares November 16 as national holiday
»11 Pinoy victims of human trafficking in US provided assistance, says DOLE
»Filipino bamboo bike builder, 43; world entrepreneurs mourn loss
»Senate receives budget bill from House
»Tagalog News: DFA nagbabala sa modus ng pagnanakaw ng mga turistang Pilipino sa Macau
»Feature: Tacloban commercially manufactures traditional herbal medicines
»Feature: PITAHC herbal plant in Eastern Visayas, a medical tourism destination
»PNoy leaves for Japan to attend APEC summit
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines