Presidential Communications Operations Office



  PIA Bldg, Visayas Ave, Diliman, Quezon City, Philippines
  Monday, 22 April 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << April 2019 >> 
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/12/03

Pangasinan News: National ID system kaukolan la, unong ed Bokal Shahani

Nen Danny O Sagun

Dagupan City (03 Deciembre) -- Kaukolan lan talaga so national identification system pian makatulong ed pandokumento na saray Filipinon walad biek taew, unong ed bokal na komanen a distrito na Pangasinan.

Inkuanen Bokal Ranjit R. Shahani ya 10 milyon ed ibabagan 14 milyon Filipino ya walad biek taew so dokumentado labat. "Agak onabuloy ed ibabagan aliwan demokratiko so national identification system unong ed arum, agtayo amta no pigaran talaga so walad abroad natan, manga duara anggad apatiran milyon so aliwan dokumentado" inkuanto ed agawan KBP Forum nen Huebes diad Philippine Information Agency.

Indanet ton kaukolan ya idokumento so amin ya Filipinon walad biek taew pian natulongan ira no bilang walay nagawad sikara. Inter ton alimbawa so taloran OFW ya taga Pangasinan, duaran taga Asingan tan sakey a taga Villasis ya abiktima na pool dimad Dubai. Sakey so aromogan ya iligal a mantatrabaho diman.

Inkuanton baleg ya isyu so kiwawalay iligal iran trabahador ed arum a bansa tan kaukolan la ya arapen na gobyerno nasyonal ontan met ed lokal panamegley na komprehensibon imbentaryo ed saray overseas workers na saray ahensyan makanepegan.

Inadmiti ton manunan isyu so kakulangay trabaho diad bansa no akin napapasootan iray Filipino ya onlad arum a bansa pian nawalaay trabaho anggaman no maminsan et iligal. "No angapoy trabahod dia antoy gawaen da ey, di man-abroad," inimano to.

Kaukolan kuanto ya pabiskegen so kipapasey ekonomya pian niletneg iray dakel ya napantrabahoan diad bansa.. Inimano ton mas isyun pulitikal tan moral so aarapen aliwan legal labat, inkuanto bilang reaksyon ed tawag ya imbestigasyon ed no siopa o anton ahensya so nasasaglawid illegal recruitment.

Duaran mantatrabahod Dubai ya di Ariel Soberano tan Erlyn Luna ya taga barangay Sobol ed Asingan so inatey nen apoolan so tutuloyan dan apartment. Sinmabi bangkay da nen Huebes. Say komatlon biktiman si Crislyn Sagum na Bacag, Villasis so akaligtas balet ta agni makasempet lapud sikatoy nalmoan ya iligal a nantrabaho diman.

Si Reynald Luna ya kanayon nen Erlyn so akaligtas tan inmabig met lad patambalan. (PIA Pangasinan) [top]

|«  prev  next  »|
DAILY NEWS LIST:
»Sta Ana fishermen save trapped dolphins anew
»Feature: DOLE sets month-long celebration of 77th anniversary
»Davao City's Sta Ana police station tops child-friendly station tilt
»Creativity, a bright spot for Davao software developers
»Stakeholders likely to accept copper-gold mining sub-project
»Grand musical fountain in lieu of fireworks installed
»Pizza Hut, Taco Bell boost UN WFP assistance for school children in conflict-affected Mindanao
»Soldiers join peace caravan
»UIC grand alumni homecoming on December 8
»KALAHI-CIDSS training for Region-XI held
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines