Koronadal, South Cotabato (23 October) -- Kasabay ng pagdiriwang ng Eid’l Fitr o huling araw ng pag-aayuno ng mga Muslim, nagpahayag ang Department of Labor and Employment o (DOLE) ng pagbibigay sahod sa lahat ng mga empleyado sa mga araw na holiday.

Alinsunod sa guidelines for employees’ compensation na ipinalabas ng DOLE ang lahat ng empleyado, papasok man o hindi sa araw na idineklarang holiday ay makakatanggap ng regular pay, kapag ang isang empleyado na papasok naman sa araw ng rest day ay makakatanggap din ng 260% mula sa kanyang regular na sahod. Gayundin ang mga nagtratrabaho na lampas walong oras sa isang araw na makakatanggap din ng hourly rate at dagdag 30%.