Cebuano News: Ang RP 2006 GDP misakag 5.4% pinaagi sa sektor panerbisyo
Ni Rebecca Cadavos
MAASIN CITY (1 Pebrero) -- Ang ekonomiya sa Pilipinas misaka ug 5.4% sa tuig 2006, subay sa pag-estima sa gobyerno apan sa kinatumyan nga bahin, sama sa maluya nga abot sa yuta tungod sa bagyo diin gibira ang kinatibuk-an nga pag-usbaw, matud pa sa National Statistical Coordination Board kon NSCB.
Ang “gross domestic product” (GDP) sulod sa katapusang mga buwan sa tuig misaka ngadto sa 4.8% ug kini napalapad gikan sa milabay nga tunga-tungang bahin sa tuig.
And sector panerbisyo nag-una sa miaging tuig sa pagpalapad, diin naghatud kini ug pagsaka nga mikabat ug 6.3%, matud pa sa NSCB. Ang abot sa agrikultura diin nakaangkon sa ika-lima mahitungod sa ekonomiya, misaka ug 4.1%, samtang ang paggama sa industriya misaka usab ug 4.8% tungod sa “manufacturing sector” nga nagposte ug 5.4% nga usbaw.
Ang numero sa katapusang bahin sa tuig ubos ikumpara sa gikaigoan sa merkado, apan mas maayo kaysa kaugalingon nga pagbanabana, matud pa ni Song Seng Wun, usa ka ekonomista sa CIMB-GK Research sa nasud sa Singapore. “Nangita ko sa 4.1% GDP nga usbaw sulod sa katapusang mga buwan, tuig sa tuig tungod sa ubos nga kontribusyon gikan sa sector sa agrikultura” dugang pa ni Song Seng Wun.
Sa laing bahin, si Frederic Neumann, ekonomista sa HSBC, nag-ingon nga kon mahitungod sa tinuig nga GDP, ang numero nahisubay sa panglantaw. “Mangandoy kita ug pag-usbaw gihapon alang sa tuig 2007 diin maghatag ug kusganong pagsaka sa mga intrigo ug pagbalik sa “fiscal” nga galastuanan. (PIA So. Leyte) [top]
