Cebuano News: Tangker mibuto sa Zambo Sur, 22 dayon ang patay
Ni Rebecca Cadavos
Southern Leyte (5 February) -- Usa ka carbon dioxide nga tangker padulong sa Zamboanga City natikyaob didto sa dalan sa Barangay Lapupayan, Tigbao, Zamboanga del Sur. Ang tangker mibuto pipila lamang ka segundo diin wlay nahibilin nga ilhanan sa maong tangker.
Padulong sa Pagadian City ug gikan sa Malangas, ang RS Transit Bus nga miagi daplin sa tangker nahurot ug kaguba. Si Ramon Ochotorena kinsa maoy nanguna sa pagtabang sa mga biktima nagtahu sa PIA news team nga nakakuha sila ug 22 ka lawas nga nadugmok ug wala pa maihap nga mga samaran diin gidala sa nagkalain-laing mga ospital sa Pagadian City.
Samtang, ang Molave Municipal Vice Mayor nga si Loloy Glepa nakaangkon usab ug mga samad gikan sa maong insidente.
Ang iyang Toyota Inova nga sakyanan nahimutang pipila ka metros luyo sa maong tangker ug ang unahan sa iyang sakyanan mao ang naguba. Si Glepa padulong sa Ipil, Zambo Sibugay alang sa pag-atindir sa usa ka miting sa Municipal Vice Mayors’ League. (PIA-So. Leyte) [top]
