Cebuano News: Pangulong Arroyo mipahalipay sa armadong kusog batok sa terorismo
MAASIN CITY (5 February) -- Gipahalipayan ni Presidente Gloria Macapagal Arroyo ang mga tigpatuman sa balaod ug mga kasundalohan gumikan sa malamposon nilang lihok pag-puhag sa mga sakop sa teroristang grupo nga nagtikaw-tikaw didto sa kaulohan di pa lang dugay.
“Akong gipahlipayan ang mga tinugyanan sa balaod ug ang mga hinok nga naglihok sa military diha sa pag-hiusa sa ilang inantigo nga pag-paniid ug maayong pag-tambayayong aron mabuak ang usa ka teroristang kalihokan nga naghulga sa mga katawhan,” nagkanayon si Pangulong Arroyo sa usa ka pamahayag.
Gipasalamatan sab niya ang armadong kusog sa gihimo niini nga napugngan ang mga dautang elemento sa paghunos og dugang pang mga inosenting kinabuhi.
Matud sa babayeng Pangulo nga tinguha niyang sa kanunay andam ang mga kasundalohan sa pagpanalipod sa katawhan, ug nga dili siya mohunong hangtud mahugno ang kalihokang terorismo.
“Akong gimandoan ang mga awtoridad nga mohimo pa og dugang halawom nga pagtuki sa mga ka-konsabo sa terorismo, ibutyag ang mga kaubanan sa mga nadakpan na ingon man ang ilang mga plano, ug mag-trabaho diha sa katilingban alang sa epektibo nga panag-hugoy ug mabatonan ang hiniusa ug makanunayon nga pagpamatyag,” ni Pangulong Arroyo pa sa iyang dugang pamahayag. (PIA-Southern Leyte) [top]
