Cebuano News: Pag-ubos sa budget deficit senyales sa paghibalik sa kabaskog sa ekonomiya sa RP, matud pa ni PGMA
By Erna Gorne
Tacloban City (5 February) -- Gipahayag ni Presidente Gloria Macapagal-Arroyo nga makasaysayon nga pag-ubos sa budget deficit sulod sa walo ka tuig sa miaging tuig 2006 ingon nga usa ka tin-aw nga senyales ngadto sa kalibotan nga ang nasud seryoso nang mobalik sa negosyo.
"Ang pagbutang nato sa atong ekonomiya sa kahan-ay naghimo sa Pilipinas nga dan-ag sa mga panan-aw sa mga negosyante, nagputol sa kadena sa utang og naghinlo sa dalan paingon sa kalampusan sa ekonomiya," matud pa niya.
Ang Presidente nagpasabot nga ang sa walo ka tuig nga ubos nga Php 62.2 Bilyones nga kakulang sa budget nga na-rehistro sa 2006 katunga lamang sa Php 125 Bilyones nga gitagana alang ning tuiga.
Ang maayong pagdagan sa ekonomiya gipahinungod ngadto sa hugot nga paggasto ug wala paabota nga hataas nga nakolekto nga kita sa gobierno, aron sa pag dala sa nasud haduol sa tumong sa pagkab-ot sa balance nga budget sa tuig, 2008, sumala pa ni Finance Secretary Margarito Teves.
Ang kakulang mikunhod sulod sa upat ka tuig, diin kini mi-igo sa labing ubos gikan sa 1999 sa diha nga kini mi-abot sa Php 111.7 Bilyon.
Matud pa sa mga analysts, ang pag-ubos resulta sa pamaagi sa pag-dugang sa kinitaan nga gi-implementar sa administrasyon aron sa paglikay sa krisis sa ekonomiya.
Samtang ang Presidente mitumbok sa hinungdan sa wala damha nga maayong dagan sa ekonomiya ngadto sa walay duhaduha nga suporta sa iyang kabinete hangtud sa mga ahensiya. (PIA Southern Leyte) [top]
