Cebuano News: Malakanyang gibutyag ang Melo report sa publiko
Southern Leyte (23 February) -- Ang Malakanyang niadtong Miyerkoles miingon nga mohimo sila ug tahu kalabot sa imbestigasyon sa Melo Commission bahin sa wala ipaagi sa korte nga pagpamatay dinhi sa nasud.
Ang kopya sa maong tahu mahimong libre diha ni Press Secretary Ignacio Bunye sogod sa Huwebes, matud pa ni Exec. Secretary Eduardo Ermita sa iyang sinemana nga press briefing.
Ang pahibalo nahitabo sa mao gihapon nga adlaw diin si United Nation’s Special Rapporteur on Extra Judical Killings Philip Alston mipagawas usab sa iyang pasiunang tahu sa iyang napulo ka adlaw nga pagbisita dinhi sa nasud aron sa paghimo sa iyang kaugalingon nga imbestigasyon bahin sa gakatahu nga mga pagpatay.
Si Alston misaway sa Palasyo sa wala paghatag sa Melo Commission nga tahu, usa ka lakang diin ang UN nga imbestigador mitawag ug usa ka importanteng lakang aron pag-awhag sa mga rebelde kinsa mibalewala sa imbitasyon sa Malakanyang alang sa paghatag ug hustisya ug pagkooperar sa imbestigasyon. (PIA-Maasin) [top]
