Cebuano News: Pinili-ay sa Mayo mahitungod sa kaugmaon sa mga Pilipino
Cebu City (26 February) -- Si Presidente Gloria Macapagal-Arroyo miingon karon nga ang eleksyon sa Mayo 14 may kalabotan sa kaugmaon sa mga Pilipino-kaugmaon nga segirado ug progresibo.
"Ang pinili-ay sa May kabahin kini sa atong kaugmaon, busa mohangyo ako kaninyo nga atong suportahan ang atong candidate ngadto sa Senado. Sila mao'y akong katuwang sa pagpalambo ug pagpa-uswag sa kahimtang sa kinabag-ang katawhan'g Pilipino," si Arroyo miingon pina-agi sa pinulongan'g Panggalatok.
Sa iyang pakigpulong sa proclamation rally sa mga kandidato sa administrasyon alang sa senado didto sa Narciso Ramos Sports Center sa Pangasinan, siya miingon nga ang kaugmaon sa mga Pilipino mao ang pagpadaghan sa mga trabaho, malinawon nga pagpanimuyo, maayon'g panglawas, adunay panimalay nga mapuy-an ang tagsa-tagsa ka mga pamilya ug ang malimpiyo nga kalikupan.
Ang Presidente mipasigarbo sa Team Unity nga "dapig sa mga kabus, dapig sa kauswagan ug dapig sa administrasyon," samtang iyang gi-isa ang tagsa-tagsa ka mga kamot sa mga kandidato ug gipasibya and ilang mga nakab-ot nga kausbawan sa katawhan.
Ang Team Unity nagalangkub sa mga mosunod: senators Edgardo Angara ug Joker Arroyo; Mike Defensor, Vic Magsaysay, Cesar Montano, Sultan Kiram, Tessie Oreta, Prospero Pichay, Chavit Singson, Tito Sotto ug si Migz Zubiri.
Kauban ang Presidente, ang mga kandidato mibungad ngadto sa puno kayo nga sports center sa Pangasinan ubos sa panghugyaw sa mga local nga taga-suporta. Ang Pangasinan mao'y ikaduhan'g probinsya sa nasud nga adunay 1.3 milyones ka mga botante, ikaduha lamang kini sa Cebu. (PIA-Cebu/MBCN) [top]
