Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 6 October 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2022 >> 
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/02/26

Cebuano News: Presidente Arroyo miawhag sa katawhang Pilipinhon sa pagpadayon sa espirito sa EDSA

By Rodrigo S. Victoria

Manila (26 February) -- Si Presidente Gloria Macapagal Arroyo nanawagan kagahapong adlawa sa katawhang Pilipinhon sa pagpadayon sa espirito sa malinawon nga 1986 People Power Revolution pinaagi sa pagpanumbalik sa ilang pagtuo sa makasaysayon nga panghitabo ug ang paghatag ug gibug-aton aron nga kini mao ang magduso sa pagtubo sa ekonomiya sa nasud alang sa interes sa umaabot nga henerasyon.

Sa iyang pamahayag human gihimo kagahapon sa buntag ang pagpataas sa bandera sa nasud didto sa People Power Monument sa Epifanio delos Santos Avenue (EDSA), Quezon City, ang presidente nagkanayon nga ang hagit sa people power karon mao ang panawagan sa mga inisyatibo alang sa pagpabaskog sa enerhiya, panag-hiusa ug panginahanglan alang sa kabag-uhan ug alang sa interes sa nasud ug dili ang susama nga lihok sa kinabag-an nga nag-imbetar ug kasaba sa protesta sa kakalsadahn ug mga kasamok sa politka.

Ang seremonya sa pag-alsa sa bandera sa nasud mauy timailhan sa pagselebrar sa ika-upat ka adlaw nga pagsaulog sa ika-21 nga anibersaryo sa malinawon nga People Power Revolution nga mauy nagpukan sa diktadurya ni kanhi Presidente Ferdinand Marcos niadtong Pebrero 1986.

"Ang atong nasudnong katuyuan mao nga mapadayon sa nasud Pilipinas and direksyon ngadto paingon sa hugot nga kalig-on politikal, kaharuhay ug kalinaw. Mao ni ang atong tumong ug gikinahanglan sa people power ug dili ang kasaba sa mga protesta ug kasamok sa politika" matud sa presidente.

Gitudlo ang malinampuson nga implementasyon sa piscal ug uban pa nga reporma sa ekonomiya ubos sa iyang administrasyon diin ang Presidente nagpasalamat sa katawhan sa ilang pagsakripisyo ug suporta, diin siya nagkanayon kini miresulta sa malign-on nga ekonomiya ug dugang nga pondo alang sa maayo nga edukasyon ug pag-amuma sa panglawas nga mauy makadani sa dugang pagbubo sa puhunan ug trabaho.

Ang Presidente nagpasalamat usab sa mga opisyales sa lokal nga pangagamhanan sa kumpyansa ug suporta sa iyang administrasyon sa pagkab-ot sa mga reporma, katilingbanong hustisya ug paglambo sa ekonomiya.

"Ang People Power mao ang kaugmaon ug dili ang nangagi lamang ug ako malipayon karong adlawa sa paghatag ug dungog niadtong nangagi ug niining panahuna nga nagtrabaho alang sa kaugmaon" matud pa sa Presidente.

"Ang People Power mao ang kabayanihan sa kadam-an nga sa ilang inadlaw-adlaw nga pagtrabaho ug pagsalig sa Kahitas-an mao ang importante kaayo nga karakter sa 1986 People Power, sila usab nga mao ang mihupot ug pagsalig sa usa ka bag-o nga Pilipinas" siya midugang.

Human sa seremonya sa pag-isa sa bandera, ang Presidente mauy nanguna sa presentasyon sa mga sertipiko nga nag-ila sa pipila ka grupo nga naghatag ug ehemplo sa espirito sa people power sa ilang tagsa-tagsa ka nga paningkamot.

Mao kini ang Gawad Kalinga nga mitukod sa sobra 600 ka komunidad ngadto sa pagtuman sa ilang katuyuan sa pagtukod sa 700,000 ka ubos ug bili nga mga panimalay sa tibuok nasud; Pondo ng Pinoy, usa ka relihiyuso nga grupo nga nagtawag sa publiko sa paggahin sa ilang 25 sentimos kada adlaw aron sa pagkab-ot sa pondo alang sa panginabuhi ug micro-financing nga mga proyekto ug ang bantog sa kalibutan nga mga Overseas Filipino Workers (OFWs) alang sa ilang mga sakripisyo, kamaayo ug ang pag-usbaw sa dollar remittances nga mauy nagdala sa pag-uswag sa ekonomiya.

Ang Presidente usab mipresentar sa Mahal Kong Pilipinas Posthumous Award ngadto sa mipanaw na nga kanhi Manila Archbishop Jaime Cardinal Sin sa pag-ila sa iyang importante nga buhat sa panawagan sa pagkuha ug balik sa moralidad ug ang paghiuli sa demokrasya nga mauy giya sa kalampusan sa February 1986 People Power Revolution.

Kauban sa mitambong mao sila si kanhi Presidente Fidel V. Ramos, Quezon City Mayor Feliciano Belmonte, mga lider sa grupo sa katilingban sibil ug mga relihiyusong grupo, myembro sa diplomatic corps pinangunahan ni Papal Nuncio Fernando Filoni ug mga opisyales sa gabinete pinangunahan ni Executive Secretary Eduardo Ermita.

Ang Presidente mi-isyu sa Proclamation No. 1224 niadtong milabay nga bulan sa Enero nga nagdeklarar sa Pebrero 22-25 kada tuig isip"EDSA People Power Commemoration Week" alang sa pagpadayon ug pagpakatap sa espirito sa makasaysayon ngas hitabo sa 1986. (PIA-Biliran) [top]

|«  prev  next  »|
DAILY NEWS LIST:
»Cebuano News: Pinili-ay sa Mayo mahitungod sa kaugmaon sa mga Pilipino
»Region 8 Ombudsmen meet tackles issues in fight vs graft and corruption
»National Maritime Polytechnic launches Pasyada program
»Cebuano News: PGMA guest of honor sa pagbukas sa Sykes call center karong adlawa
»Cebuano News: Bag-ong solicitor general gitudlo sa Malacanang
»DENR braces for forest fires
»Allacapan town is next OTOP beneficiary in Cagayan Valley
»DOH turns over four BNBs to Agusan Norte
»Gateway East, DTI, DILG set Barangay LIVE
»Butuan AI coordinators clamor over funding
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines