Cebuano News: Presyo sa LPG paubsan ug dugang 50 centavos kada kilogramo
Manila (28 February) -- Ang LPG Marketers Association of the Philippines nagkanayon nga ilang paubsan ang presyo sa liquefied petroleum gas (LPG) ngadto sa Php 0.50 kada kilogramo sa kaadlawon sa Miyerkules tungod sa padayon nga pag-ubos sa presyo sa kontrata sa gasoline.
Matud pa ni Arnel Ty, ang presidente sa LPGMA, mao kini ang ika-pito nga pag-paubos sa presyo ning tuiga alang sa LPG. Nga ang pagkubos sa presyo, apil na ang umaabot nga pag-ubos mokabat na sa Php 3.50 na kada kilogramo.
Human sa tungang kagabhi-on, ang matag 11-ka kilogramo nga tangke sa LPG mobalor na og Php 463 gikan sa kasamtangan nga Php 469. Matud pa ni Ty possible nga aduna na usab laing pagkubos sa presyo sa sunod semana. (PIA Southern Leyte) [top]
