by Teresita B. Cardenas

Manila (9 March) -- Ang babaye kung nay kita gamhanan. Ang Presidente Gloria Macapagal Arroyo nagsugo sa mga ahensya sa gobyerno nga makigtrabaho sa mga kooperatiba ug mga non-government organizations para patagamtamon ang mga babaye sa pondo sa microfinance.

Didto sa miting nga gihimo sa Ninoy Aquino Stadium sa Manila para sa selebrasyon sa Adlaw sa mga Babaye o Women’s Day, ang Presidente nag-ingon nga ang mga babaye daku ang tabang pagtindog sa atong nasud. Kaangayan sila tabangan aron naa silay pakabuhi,

“Gusto nako nga ang mga babaye mahimo nga successful nga negosyante” iyang giingnan ang tanan nga ning tambong sa mga kandidato sa administrasyon Team Unity apil ang ilang mga asawa ug anak.

Giingnan sab ni Presidente ang Philippine Credit and Finance Corporation nga himoon ang microfinance nga puede sab sa mga empleyado nga mga babaye sa gobyerno pinaagi sa kooperatiba.

Ang Presidente naghatag ani nga sugo tuingod sa iya nahibaluan ng kasagaran sa mga babaye nga empleyado wala mahatagi ug pananhon nga makatagamtam nianing microfinance. Ug dayon niyang gisumat didto ss miting nga ang mga empleyado sa gobyerno naa nay dugang ng P1,000 nga allowance.

Tungud kay maaayo naman ang kabutang sa atong stock market, ang Presidente nag-ingon nga ningmubo na ang pagpatubo sa utang ug daghan na sab ang pundo nga moabot para ipautang. Nagpasalamat siya sa mg langyaw nga mga nasud nga naghatag ug tabang para sa pakabuhi ug training sa mga babaye.