Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 19 May 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << May 2022 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/03/12

Cebuano News: Senador Recto nanawagan sa pagdugang ug mga abogado sa PAO

By Rodrigo S. Victoria

Biliran (12 March) -- Nag-awhag si Senador Ralph Recto sa pagdugang sa mga pampublikong abogado sa kagamhanan aron sa pagpapaspas sa pagtratar sa mga kaso sa korte ug ang pag-iban sa gidamuon sa mga preso diha sa atong mga selda.

Nagkanayon si Senador Recto nga kung pagabasehan ang kasagaran nga gidamuon, ang usa ka pampubliko nga abogado nagsilbe ug 4,310 ka mga kliyente sa tuig 2005 diin kini nakadugang sa pagbara sa mga kaso diha sa korte.

Siya nagkanayon nga ang ubos ug sweldo ug kulang gayud nga 1,016 ka mga abogado sa Public Attorney’s Office (PAO) sa tibuok nasud nagsilbe sa 4,379,850 nga kasagaran pobre nga mga kliyente ug nag-atender sa 588,442 ka mga judicial ug quasi-judicial nga mga kaso sa maong higayon.

“Sa laktod, ang usa ka PAO nga abogado nagdala ug kasagaran 580 ka mga kaso diin kini sobra na sa gilaan nga sumbanan’, matud pa ni Recto.

Sa usa ka taho sa PAO ngadto sa kongreso, kini nagpakita nga ang mga abogado sa maong buhatan nga sakop sa Departamento sa Hustisya mitratar ug 477,334 ka mga kaso kriminal sa milabay nga tuig.

Dugang pa ani nga mga kaso nga nagpabug-at sa gidala na daan nga mga kaso, ang mga abogado sa PAO motabang pa sa mga pobre nga may mga kaso administratibo, mga kaso nga may kalabtanan sa pantrabaho ug pagtambag sa kliyente nga naglangkob sa 1,078,651 ka mga tawo sa tuig 2005. Ang usa ka abogado sa PAO gitukahan ug di-momenos duha ka korte, matud pa sa maong taho.

Si Senador Recto midugang nga ang trabaho sa usa ka pampublikong abogado dili lamang kutob sa sala sa mga korte apan apil usab ngadto sa mga preso sa presuhan, din kini sila mitabang sa sobra 220,000 ka mga bilanggo sa presuhan niadtong 2005.

“Kasagaran sa mga abogado sa PAO molimpyo lang ug P20,000 sa ilang sweldo matag bulan, ang pagpausbaw sa ilang suhulan kinahanglan nga hatagan ug prayoridad sa gobyerno kung kini mopausbaw na sa suhulan sa mga empleyado sa gobyerno pinaagi sa giplano nga Salary Standardization Law III,” nagkanayon ang magpapili pag-usab nga senador.

Si Senador Recto nagkanayon nga ang “opisyal nga pag-usab” moresulta sa paghatag ug dugang espesyal nga mga allowances ngadto sa mga abogado sa PAO “aron sa pagpugong sa paspas nga pagpangawala sa mga abogado sa PAO ug ang tigdaay nga pagpamalhin ngadto sa pribado nga pagpraktes sa propesyon diin kini dako ug kita.”

Si Recto midugang nga ang kantidad nga gigahin alang sa mga libro ug uban pa nga mga basahon diin kini gikinahanglan sa bisan unsa nga legal nga propesyon, sa tibuok buhatan sa PAO mokabat lang sa P400,000 sa tuig 2005. (PIA-Biliran) [top]

|«  prev  next  »|
DAILY NEWS LIST:
»Komentaryo: Kasama ang puso ni PGMA sa karagdagang P15-B IRA para sa kanayunan
»Eastern Visayas features best dive site at Cebu Travel Expo
»Solar I oil retrieval starts, fisher folks compensation soon
»Cebuano News: National Reintegration Center alang sa OFWs inagurahan karong adlawa
»Sarangani schools get 1.2-M from Kraft Foods
»DA-BFAR's P5-M payao project pilots Sarangani
»Floating lab calls for detailed survey of Sarangani Bay, Celebes Sea
»Gov't intensifies tax collection campaign
»Commentary: Task force on global warming
»DILG Cagayan officials, employees warned versus partisan politics
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines