Cebuano News: PGMA misaad iluwas ang mga Pilipino sa kalisod
By Teresita B. Cardenas
Manila (15 March) -- Ang Presidente Gloria Macapagal Arroyo nagsaad nga magpadayon pag trabaho para magtikaayo ang ekonomiya sa nasod ug makatabang paghaw as sa lisod nga kabutang sa mga tawo para sab maibanan ang utang sa Pilipinas.
Nalipay siya sa report nga gihimo sa National Government nga nagtikagamay na ang utang sa Pilipinas gikan sa 3,888 ngadto sa 3,851 trillion ug kini naibanan ug usa ka porsyento sa tuig 2005. Dayon sab nga giingon sa Presidente nga desidido gyod siya nga ipadayon ang mga paagi nga ipamubo ang utang ug hasta nga ma wala na gyod ang utang sa Pilipinas.
“Padayon nato nga himoon ang mga paagi para maibanan ang atong utang nga mao gyod ang nagpapobra sa mga tawo, ug igawas nato sila sa kalisdanan ug maghimo ta ug paagi nga mabinongahan sila ug magamitan sa sosyodad” ingon ni Presidente Arroyo.
“Padayonon nako ang crusada para igawas ang mga tawo sa kalisdanan para sa tuyo nga ayohon ang problema sa pamolitiko sa nasod, ug wad on ang terorismo ug ipasunod ang mga balaod” naggdugang pag ingon ang presidente.
Ang Bureau sa Treasury nagingon ang pagiban sa utang sa gobyerno tungod sa rason nga nagtikaayo na ang ekonomiya ug gilimpyohan na ang bureaucrasya. Nakabayad na sad ang gobyerno sa mahal nga obigasyon sa gobyerno sa ning agi nga tuig.
Ang presidente nag ingon nga ang pag iban sa atong utang nagpasabot lang nga maayo na ang kabutang sa ekonomiya sa atong gobyerno ug nakaaghat na sa mga taga uban nga nasod nga magbutang ug nesgosyo dinhi sa Pilipinas. (PIA, Northern Samar) [top]
