Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 19 May 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << May 2022 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/03/16

Cebuano News: Chief Justice Puno gipadali ang pagsulbad sa mga kaso sa extrajudicial killings

By Rodrigo S. Victoria

Manila (16 March) -- Si Chief Justice Reynato Puno sa Korte Suprema mihimo ug usa ka direktiba niadtong Lunes nga nagmando sa tanan nga korte ug ang Court of Appeals sa pagpadali sa disposisyon sa mga kaso sa extrajudicial killings.

Ang direktiba ni Puno nahimo human ang Korte Suprema mianunsyo sa pag-umol ug 99 ka mga espesyal nga mga korte nga ekslusibo nga magtratar sa mga kaso sa pagpamatay sa mga aktibista ug mga mamamahayag.

Ang paglihok sa Korte Suprema nahimo usa ka semana ang United Nations Commission on Human Rights nga gipangunahan ni special rapporteur Prof. Philip Alston mihimo ug pamahayag sa gialegar nga dili pag-aksyon sa gobyerno sa daghan nga pagpangpatay sa militante nga mga lider ug mga myembro sa media.

Sa usa ka pahina nga memorandum nga gipaabot ngadto ni CA Presiding Justice Ruben Reyes, si Puno nagmando sa tanang korte sa paghimo ug imbentaryo sa tanang nakabara nga mga kaso kriminal mahitungod sa pagpangmatay ug sa paghimo ug taho sa progreso sa mga nakabara nga mga kaso.

"Ang tanan gimanduan sa paghimo ug imbentaryo sa mga kaso sa susama nga hitabo ug kun adunay mga kaso nga nakabara diha sa taho sa CA ug ang kabutang sa maong mga kaso ug pag rekomendar ug mga lakang alang sa dali nga pagdisposar.Giawhag ang dali nga pagtuman." Si Puno nagkanayon sa iyang direktiba.

Ang tanang huwes sa appellate court gihatagan usab ug kopya sa maong memorandum ni Puno.

Ang hepe mahistrado nagkanayon usab nga iyang gimanduan ang opisina sa Court Administrator sa paghimo sa susamang direktiba sa tanang korte.

"Akong gidugang ang pagmando nga ang progreso sa pagtaral sa hukmanan sa maong mga kaso kinahanglan nga pagasundan aron sa pagdeterminar kung adunay paglangay-langay sa kaso, kung unsay nakalangay niini ug ang pagdeterminar sa posible nga mamahimo nga mga lakang," nagkanayon si Puno.

Si Puno naghimo usab ug direktiba ngadto sa mga huwes sa mga espesyal nga korte sa pagsilot ug direct contempt niadtong mag-file ug pleadings alang sa pag-langay-langay nga katuyuan.

Siya nagkanayon nga ang pagtaral sa maong mga kaso kinahanglan nga mahuman sakob sa 60 ka adlaw gikan sa pagsugod sa hearing ug ang paghimo ug hukom sulod sa 30 ka adlaw sa pagsubmiter sa desisyon.

"Ang nag-una ug ang pinakauna sa katungod sa tawo mao ang katungod nga mabuhi. Kini dugay na nga gihatagan ug pag-ila sa tibuok kalibutan layon sa pagkahimugso sa uban pa nga mga katungod diin kini nagsandig sa pag-preserbar sa kinabuhi," si Puno nagkanayon.

Siya midugang" ang extrajudicial nga paghunos sa usa ka kinabuhi mao ang pinakadako nga kalapasan sa katungod sa tawo. Kini dili gitugot bisan diin ug kini pagapakgangon bisan asa."

Ang Korte Suprema nagmando usab sa mga huwes sa mga espesyal nga mga korte, clerks of court, branch clerks of court sa pag-apil sa estado sa maong mga kaso sa ilang binulan nga taho sa mga kaso ug ang dili pagtuman usa ka basehan sa pagdili paghatag sa ilang sweldo ug mga allowances.

Ang Korte Suprema mihatag usab ug mga giya aron sa pagtabang sa mga espesyal nga mga korte sa pagdeterminar kung ang usa ka krimen usa ba ka "political killing" pinaagi sa pagkonsiderar sa mosunod nga butang: ang political affiliation sa biktima, pamaagi sa pag-atake ug ang mga taho nga ang mga ahente sa kagamhanan apil sa paghimo sa maong krimen o kini may kalabutan sa maong krimen.

Ang Korte Suprema midugang nga sa mga korte nga diin walay gitagana nga mga espesyal nga mga korte, ang branches diin ang maong kaso pagahimuon kinahanglan usab nga magsunod sa mga giya sa maong direktiba.

May kinatibuk-ang 23 ka mga RTCs sa National Capital Judicial Region diin kini gitagana isip mga espesyal nga mga korte diin adunay 73 ka mga RTCs sa 12 ka judicial regions ang gitagana usab isip espesyal nga mga korte. (PIA-Biliran) [top]

|«  prev  next  »|
DAILY NEWS LIST:
»Tour operators in Beijing may include Davao in their package
»Duty Free Shop coming back to Davao
»Unknown elements topple TransCo tower; restoration on-going
»PGMA urges market players to put RP on list of invest sites
»Komentaryo: Kampanya ng BIR para sa buwis, patuloy
»Police apprehends another most wanted person in Bicol
»Skills training for disaster victims in Albay intensified
»Women joining the workforce increasing
»P20-M allocated for special voluntary exams of 2006 board of nursing test passers
»Sec. Yap joins North Luzon Caravan
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines