Cebuano News: Pilipinas apil sa "the best investment places" - PGMA
Manila (22 March) -- Si Presidente Gloria Macapagal Arroyo mibutyag kagahapon, Marso 21, labot sa bag-ong gibubo nga $ 2-Billion capital gikan sa gawas sa nasud nga sigurado gyong makapaspas pag-usab sa hulagway sa kanhi military base sa nasud ngadto na sa usa ka economic zone ug kini maghimo sa Pilipinas isip "one of the best values for money in Asia for investors."
Sa iyang pakig-pulong atol sa ika-28 nga national conference sa Employers Confederation of the Philippines (ECOP) didto sa Manila Hotel, si Pangulong Arroyo miingon nga bag-o pa lang siyang gipahibalo ni Trade and Industry Secretary Peter Favila bahin sa bag-ong tourism investment sa kanhi military base nga karon sakop na sa Bases Conversion and Development Authority (BCDA).
Ang maong maayong balita gikompermar ngadto kaniya dihang mibisita sa Malacanang gahapon sa buntag si Chinese Ambassador Li Jinjun, nagkanayon si Presidente Arroyo.
“Kita nagtoo nga ang Pilipinas maoy dapit diin dunay makuha nga dakug bili ang gibubo nga salaping puhunan sa mga investor dinhi sa Asya,” pamulong pa sa Presidente.
Sa nalambigit nga kalambuan, gipirmahan kagahapon sa Presidente ang Republic Act No. 9400 nga nag-usab sa Clark Special Economic Zone ngadto na sa usa ka Freeport Zone aron paghatag dugang mga “incentives” sa mga buot mobutang sa ilang negosyo diha sa maong dapit.
Matud sa Pangulo nga ang mga Freeport zones sama sa Subic ug Clark magpadayon pagdani og puhunan ug mopalambo sa mga super-region sa Luzon, maghatag patas nga kahigayon alang sa patigayon, ug mag-mugnag mga trabaho nga maayo ang suweldo, sama sa mga call centers ug business process outsourcing (BPO) providers. (PIA-Southern Leyte) [top]
