Cebuano News: Ermita mihingalan sa tulo ka Presidential appointees
By Rodrigo S. Victoria
Naval, Biliran (22 March) -- Si Presidente Gloria Macapagal Arroyo mitudlo kang Ma. Juanita Elegir-Cueto isip acting Commissioner sa Securities and Exchange Commission (SEC), matud pa ni Executive Secretary Eduardo Ermita kagahapong adlawa.
Sa iyang senemana nga pakigpulong sa mga mamahayag didto sa Malacañang kagahapon sa hapon, si Ermita mipahibalo sa appointments ni Ramon Vicente T. Kabigting isip Assistant Secretary sa Department of Trade and Industry (DTI) ug Daniel A. Dimagiba isip Executive Director sa Air Transportation Office (ATO) ubos sa Department of Transportation and Communications (DOTC).
Si Cueto, diin ang unang pito ka tuig nga termino isip SEC commissioner napupos niadtong Marso 11, 2007 gitudlo pagbalik sa Presidente isip acting commissioner niadtong Marso 12. (PIA-Biliran) [top]
