Cebuano News: Presidente Arroyo nalipay sa plano sa kompanyang Tsino nga mamuhunan sa nasud
Manila (23 March) -- Si Presidente Arroyo midawat sa plano sa Tsino nga kompanya pagpamuhunan ug inisyal nga US$200-million alang sa konstraksyon a ferro nickel plant sa Eastern Samar.
Si Zang Xiangqing, chairman sa board sa RockCheck Steel Group Co. Ltd nga nakabse sa Tianjin City, china, mipasabot ni Presidente Arroyo sa ilang plano paghimo ug modernong nickel plant sa didto sa planta sa Hinatuan Mining Corporation (HMC) sa Manicani, Guiuan, Eastern Samar.
Siyang midugang nga determinado siyang mamuhunan sa nasud tungod sa kugihan, kamaloloy-on ug maayong pagkatawo sa mga Filipino. Midayeg usab siya sa maayong panggobernohan sa administrasyong Arroyo.
Ang Rockcheck Steel Group mipirma na sa kasabotan uban sa Fulim Mining and export corporation, ang eksklusibong marketing arm sa HMC sa China, alang sa pagtukod sa modernong ferro nickel plant sa Manicani.
Ang rockcheck Steel Group usa sa nag-unang korporasyon sa china. Kini naghimo sa 3.5 million ka toneladang puthaw diin kini mihalin matag tuig sa kapin 22 billion yuan o US$300 million.
Ang maong kompanya adunay kinatibuk-ang propridad nga 5.5 billion yuan o US$700 million ug kapin sa 7,000 ka mga empleyado. (PIA Biliran/Lanie Pitao-Tupaz) [top]
