Manila (23 March) -- Ang Commission on Elections (Comelec) mi-accredit sa National Movement for Free Elections (Namfrel) sa paghimo ug quick-count karong Mayo 14 nga eleksyon, matud pa ni Comelec Chairman Benjamin Abalos, Jr diin kini iyang gikumpermar kagahapon nga adlaw.

Apan si Jose Concepcion, dugay na nga chairman sa Namfrel miundang isip Namfrel chairman tungod sa isyu sa conflict of interest tungod kay siya usa usab ka barangay chairman sa Forbes Park.

Si Abalos nagkanayon nga bisan ang resolusyon gilibot pa para sa pagpirma sa uban nga mga komisyoner sa eleksyon, sila nagdesisyon na sa pag-garantiya sa petisyon sa Namfrel sa pagpahigayon ug quick-count diin kini ila nang gibuhat sa milabay nga 20 na ka tuig.

“Ang Namfrel daan nang gi-accredit sa paghimo ug quick-count. Ang komisyon mi-adopt na sa resolusyon apan wala pa kini opisyal nga gipagawas tungod kay kini gilibot pa,” matud pa ni Abalos.

“Si Concepcion boluntaryo nga miundang isip chairman sa Namfrel,’ midugang si Abalos.

Si Concepcion nga mitambong sa paglunsad sa handbook sa pamaagi sa eleksyon alang ngadto sa mga myembro sa board of election inspectors, mikumpermar sa iyang pag-undang ug nagsulti nga ang Namfrel mopahigayon ug eleksyon alang sa pagpuli kaniya pero walay gihatag nga petsa. Siya nagpasalamat sa Comelec sa pag-accredit sa Namfrel.