Cebuano News: PGMA hugot ang tumong sa pagpalambo sa panginabuhian sa katawhan
By Minerva BC Newman
Cebu, Philippines (26 March) -- Samtang nagapadayon pagtubo ang ekonomiya sa nasud, ang administrasyon ni Presidente Gloria Macapagal-Arroyo determinado sa iyang pokus sa pagpalambo sa panginabuhi-an sa mga kabus ug ang pagtagbo sa mga "challenges" sa kagutom ug kakabus," si Press secretary Ignacio Bunye miingon.
"Si Presidente Arroyo mitumbok sa iyang pagpokus sa pagpa-us-os sa insidente sa kapobrehon ug kagutom pinaagi sa usa ka "multi-pronged" nga kampanya nga halapad ug lalum nga maoy makapapikas ngadto sa mga apiki nga mga dapit ug sektors, " si Bunye miingon pinaagi sa iyang sinimanang kolum nga "The View From the Palace," nga mogawas kada Lunes.
"Ang gobiyerno magpadayon sa pakigtambayayong sa mga aktibon'g institusyon sa mga simbahan ug sa "civil society" ug mopakatap sa tanan'g mga kamot nga nagagikan sa eskwelahan ug sa komunidad, ug usab ang mga sundalo nga anaa sa ilang tagsa-tagsa ka mga baraks-ngadto sa pinaka-katapusan'g barangay nga matabangan-sa pag padala niini nga kampanya," ang Press Secretary miingon.
Pina-agi sa usa ka "anti-povery and hunger mitigation program," ang Arroyo administrasyon nagpadayon sa pag-implementar sa usa ka programan'g gitawag nga "Pagkaon alang sa pag-eskwela," nga mohatag ug bugas sa kada pamilya pina-agi sa ilang mga anak nga anaa sa Grade 1, pre-schools ug sa day care centers.
Gipalapdan usab sa atong gobiyerno ang implementasyon sa programan'g "Tindahan Natin" ug usan ang pagtukod of dugang nga mga barangay food terminals nga kung diin makapalit ang mga kabus sa barato kayo nga pagkaon ug pang-adlaw-adlaw nga panginahanglan.
"Samtang ang ekonomiya nagpadayon sa paglambo, determinado ang Presidente sa paglantaw nga walay bisan usa nga mahibiya-an; ug nga ang matag usa ka Pilipino nga naginahanglan makadawat gayud sa dibidendo sa pagtubo sa atong ekonomiya," si Bunye miingon.
"Kitang tanan nakahibalo nga wala'y dinali-an nga pag-ayo sa mga challenges sa kagutom ug kapubrehon apan atong gilatay ang pinaka-dali ug pinaka-mubo nga dalan arong mapadangat ang kaayohan ngadto sa nanginahanglan u gang pinaka-apektado. Ang gabinete gihatagan na ug kamandu-an gikan sa chief executive u gang mga kutay sa mga programa nakalatad na sa makusog nga pagpadagan," si Bunye mitumbok.
Sa kasamtangan, si Bunye miigon nga ang pagpirma sa Presidente sa balaodnon'g pundo karon'g tuiga nga P1.126-trilyones, maoy makapadugang sa pagdagayday sa pang-sosyal nga kalamboan alang sa katawhan pinaagi sa huston'g pagka-on sa mga kan-anan, maayong trabaho ug halapad nga pagpa-abot ngadto sa katawhan sa nga inadlaw-adlaw nga pang-sosyan nga serbisyo pampubliko." (PIA) [top]
