Cebuano News: Klarong programa, dili kasikas pamulitka ang makasulbad sa problema sa kagutom
Manila (29 March) -- Ang klaro nga programa o stratehiya sa kagamhanan, mao ang mo-pakaon sa katawhan aron masulbad ang isyu sa kagutom ug dili ang mga kasikas sa pamulitika sa oposisyon. Mao kini ang gibutyag ni Ignacio Bunye, Press Secretary ug tigpamaba sa Malakanyang.
Si Bunye mitubag sa mga kritisismo sa oposisyon batok sa mga programa sa kasamtangang administrasyon sa pakunhod sa gutom ug batok sa kawad-on nga kini kuno usa ka 'electioneering' ni Presidente Gloria Macapagal Arroyo. Labina usab sa pagmando sa presidente sa P1-bilyones para sa 'anti-hunger fund'.
Matud pa ni Bunya, adunay duha ka mga punto sa isyu sa gutom ug kawad-on; kini mao ang 'transparency' sa administrasyong Arroyo sa pag-patuman sa maong mga programa, ug a alternatibong solusyon sa taga oposisyon sa maong problema, kon aduna man gani sila.
Gipatin-aw ni Bunye nga klaro ang mga 'vital social programs' sa presidente ug gani gihangyo pa niya ang mga taga oposisyon nga mo-apil sa maong mga stratehiya, kun wala silay mas maayong alternatiba, aron kita magtinabangay sa pagsulbad sa maong problema.
Subo lang kaayo palandungon nga imbis motabang sila, o mo padayag sa ilang alternatibang programa, sige lang sila ug pamulitika ug pangakusar bisan walay klarong basehan, hatag sa walay klarong mga sa-ad, ug balibad sa maong imbitasyon, apas sumpay ni Bunye. (PIA/Bohol) [top]
