Cebuano News: Abus nagtago ug Malaysian nga terorista, matud pa sa AFP
Ni Rebecca Cadavos
Manila (30 March) -- Usa ka Malaysian nga suspek sa kasamok gikaingon nga nahilambigit sa sunod-sunod nga pagpamomba sa nasud gikatahu nga nagtago sa Central Mindanao kauban sa suspetsado nga mga bandido sa Abu Sayyaf, matud pa sa opisyal sa military kaniadtong Miyerkoles.
Si Zurlkifli bin Hir alyas Marwan gakatahu nga nakit-an sa probinsya sa Maguindanao, matud pa ni Marine Maj. Gen. Ben Mohammad Dolorfino, kumander sa Armadong Kusog sa National Capital Region Command ug kasamtangan nga hepe sa hiniusang adjoc action group sa gobyerno.
Bisan pa nga ang Moro Islamic Liberation Front (MILF) adunay kusog palibot sa rehiyon, si Dolorfino miingon nga walay mga tahu nga ang kinadak-an nga grupo sa Muslim diin mihatag ug santuaryo kang Zulkifli o sa mga local nga terorista.
“Wala ako magtuo nga siya giprotektahan sa MILF nga mga rebelde. Ug ato siyang ilambigit sa MILF, mapakgang ang nagpadayon nga proseso sa kalinaw,” si Dolorfino miingon.
Ang Estados Unidos sa dili pa lang dugay nagtugot ug bag-ong ganti nga mikabat ug $5 milyones alang sa impormasyon nga ikahatag alang sa pag-aresto o pagkonbikto kang Zulkifli. Siya nadugang sa listahan sa “most-wanted” sa US Rewards for Justice Program.
Usa ka enhinyero nga gibansaybansay sa Washington, si Zulkifli gikatahu nga nangulo sa Kumpulun Mujahidin sa Malaysia terrorist nga organisasyon ug usa ka miembro sa Jemaah Islamiyah’s central command. Siya diha na sa Mindanao sugod niadtong Agosto 2003, diin siya gituohan nga nagpahigayon ug pagbansaybansay sa mga eksplosibo alang sa Abu Sayyaf.
Ang mga opisyales sa military intelligence nagbanabana sa kadaghanon sa JI operatives sa nasud nga mikabat ug 30 ngadto sa 40, apil na si Omar Patek ug Dulmatin, kinsa gikatahu nga nangulo sa deadly bombings sa Bali Indonesia kaniadtong Oktubre 2004. (PIA-Maasin) [top]
