Cebuano News: Sec. Bunye nagpahayag mahitungod sa eleksyon
by Flor Jackson
Manila (31 March) -- “Kadimalas lamang nga ang oposisyon nangampanya lamang aron daoton ang administrasyon ug dili ang pag pagpahigayon sa maayong kinabuhi sa katawhang Pilipino”, kini ang pamahayag nga gipagawas ni Press Secretary Ignacio Bunye.
“Ang plano sa impeachment batok sa Presidente gisalikway na sa ika-duhang higayon sa mga tawo apan ang oposiyon mo-insister ug mamugos gayod bahin niini nga issue tungod kay gusto silang magpahigayon ug usa ka kampanya nga magsabwag ug kayugot o kasilag imbis nga maayong performance ug ingon man ambisyon imbis nga mga plataporma” matod pa ni Sec. Bunye.
“Si Presidente Arroyo ning tutok lamang sa kaugmaon sa nasud ug dili ang ning labay na nga mga panahon. Atong gipanday ang dalan sa unahan paduong sa investments, daghang trabaho ug mga imprastractora alang sa kaayohan sa mga tawo ug usab aron kita maghimo ug magpanday ug nasud nga adunay pagkahiusa aron kini makigkompetensya sa tibuok kalibutan”, dugang pa ni Sec. Bunye. (PIA-Biliran) [top]
