Cebuano News: Pag-usbaw sa foreign investments kinahanglan ipantay sa pagsaka usab sa domestic investments - Bunye
by Flor Jackson
Naval, Biliran (3 April) -- "Ang pagsaka sa gisaad nga foreign investments nga naa na sa hustong lugar kinahanglan ipantay sa pag usbaw usab sa pagsaka sa domestic investments aron kini magdala sa nasud Pilipinas ngadto sa lugar sa First World sa labing madaling panahon", sumala pa ni Press Secretary ug Presidential Spokesperson Ignacio R. Bunye.
Diha sa iyang senimanang column nga gihinganlan ug "The View From the Palace" nga ning gawaw karong adlawa, si Bunye nag-ingon nga ang negosyo sa mga Pilipinp sa tanang hut-ong kinahanglan manguna sa paghimo ug lig-on nga nasud pinaagi sa pagpakita sa mga foreign investors ug paborable nga panglantaw bahin sa ekonomiya sa nasud.
"Ang gilauman nga pagsaka sa direkta nga foreign investments segurado nga maayong balita alang sa mga tawo nga nag laum ug mga trabaho nga maayo ang panuweldohan apan kinahanglan atong ipadayon ang paningkamot aron kini nga damgo ipantay ug lig-on nga uso sa domestic investments", matod pa ni Secretary Bunye.
"Ang negosyo sa mga Pilipino sa tanang hut-ong kinahanglan manguna sa uso alang sa nasud nga atong gitabangan nga mousbaw painaagi sa atong kaugalingong mga kamot ug panglantaw", siya nagdugang pag-ingon.
"Sa labing kusog nga kita maka dugtng sa atong domestic ug langyaw nga bahandi ug panalapi aron mousbaw ang atong ekonomiya, madali ang atong lakang pag-apil sa ranggo sa First World sa sunod nga henerasyon", matod pa ni Bunye.
Ang dungog sa Pilipinas komo usa sa mga lugar diin anaa ang mga top investments milutaw ug samot sa dili pa lang dugay diin ang Grant Thompton International Business Report (IBR) nagbutang sa nasud Pilipinas nga ika-walo sa 32 ka mga nasud nga adunay taas nga proportion sa dagko nga mga negosyo sa kalibutan.
Ang Grant Thomton International mao'y usa sa mga nag-unang organisasyon sa kalibutan nga independently-owned ug gipasiugdahan nga accounting ug consulting firm nga naghatag ug pasalig ug espesyalista sa paghatag ug tambag bahin sa pamuhis ngadto sa mga public interest nga mga organisasyon ug mga negosyo.
Si President Gloria Macapagal Arroyo diha sa iyang pag pamulong atol sa 26th Biennial Convention of the Federation of Filipino-Chinese Chambers of Commerce and Industry Incorporated (FFCCCII) nga gihimo didto sa Manila Hotel niadtong nakalabay nga Marso 30 nagdayeg sa Grant Thamton's IBR isip lig-on nga tima-ilhan sa nagtubo nga political ug ekonomikanhong seguridad nga nagduso sa investments sa nasud sa pagtubo sa dili ordinaryong gintang.
Diha sa maong pagpamulong, ang Presidente nagdayeg sa magtatrabahong Pilipino kansang "pagsalig ug ka maayo" diha sa ilang tagsa-tagsa ka mga abilidad inila sa tibook kalibutan.
"Ang gihiusa nga pagplano, pagka mabinungahon ug maayong panggobyernohan maoy nagbutang sa Pilipinas nga usa sa top 10 nga destinasyon sa nagtubo nga ekonomiya sa labing dali nga dagan ikomparar sa kasagaran, nga gisukod usab sa nagkadaghan nga trabaho", matod pa sa Presidente. (PIA-Biliran) [top]
