Cebuano News: Mga programa pagbuntog sa kakabus gihatagan ug prayoridad
Manila (4 April) -- Sa kinatibuk-an, ang kagutom sa nasud mikonhod tungod sa pagsaka sa abot sa humay sa nasud, sumala sa presentasyon sa “Six Years of Uninterrupted Growth and the Economic Strategies of the Arroyo Adminsitration”.
Ang taho mipakita sa positibo nga macroeconomic, fiscal ug financial market performance ug ang plano sa “Three-year Growth Surge” sa administrasyong Arroyo pagpasaka sa Gross Domestic Product kon GDP ngadto sa 9% sa tuig 2009.
Ang nag-unang tinguha ni Secretary Salceda mao ang pagpakonhod sa kakabus gikan sa 27% ngadto sa 17%, pagpasaka sa GDP gikan sa 6% ngadto sa 8% karon nga tuig, ug balanse nga budget sa tuig 2008.
Si Director General Romulo Neri sa National Economic Development Authority kon NEDA mirepaso sa pinakaulahing kauswagan sa ekonomiya sa nasud lakip na ang pagkautang sa nasud, ang ubos nga inflation rate, ug consolidated fiscal position.
Sa maonng pagrepaso, iyang nakita nga ang maayong palisiya sa macroeconomic ug may tumong nga mga reporma ang nag-unang rason sa pag-usbaw sa ekomomiya sa nasud.
Si Seretary Neri midugang nga ang development agenda sa nasud nagtumong sa pagpa-usbaw sa pribadong mamuruhonan, kompetisyon sa negosyo, eksportasyon, ug pagpasulod sa dolyar sa nasud aron mamintenar ang kusog sa ekonomiya sa nasud ug mapatagamtam kini nga kauswagan ngadto sa mga nagkinahanglan kaayo niini. (PIA Biliran) [top]
