Cebuano News: PRO 7 di mokuha’g dugang pwersa sa panahon sa eleksyon
by Roberto M. Cabardo
Cebu City (April 10) -– Gibutyag sa kapolisan dinhi sa rehiyon nga dili na sila mokuha og augmentation forces alang sa panahon sa eleksyon.
Matud ni PRO 7 Regional Director P/Csupt. Silverio Alarcio Jr, ang maong desisyon gihimo sa iyang buhatan tungod kay ang tanang kwerpo sa kapolisan sa nasod moalagad man usab sa mga dapit diin nahimutang ang ilang mga estasyon sa May 14 elections.
Niingon hinuon si Alarcio nga apan kung gikinahanglan gyud gani ang dugang pwersa, mohangyo siya sa kasundaluhan sa Central Command uban sa pagtugot sa ilang labaw og sa pamunuan sa armadong kusog sa Pilipinas og Central Command. (PIA Cebu) [top]
